Douw se dier laat rande rol

2012-11-19 06:49

’n Vennootskap tussen ’n superryk Suid-Afrikaner en ’n “Russiese aristokraat” is ’n verhaal van reusagtige sakesukses.

Of soos die versekeringsreus Douw Steyn (59) van Johannesburg en sy vennoot, Aleksandr Orlov, dit noem: “Simples!”

Dié woord (uitgespreek “seem-pels” vir “dis eenvoudig”) is die slagspreuk van die reklameveldtog vir die aanlyn-versekeringswebblad in Engeland comparethemeerkat.comvir korttermyn- en lewensversekering.

Orlov, ’n animasie-meerkat, is die hoofspeler in dié veldtog wat in 2009 begin het toe Steyn nog baas was van die BGL-versekeringsgroep.

“Die man agter die meerkat”, soos die Britse pers hom noem, het in Februarie vanjaar hier bedank. So ingeburger het die woord “simples” in die Britse omgangstaal geraak dat dit in die jongste uitgawe van hul Collins- verklarende woordeboek opgeneem is.

Die idee van ’n meerkat is gebruik omdat dié woord soos “market” klink.



Die Engelse Sunday Times, wat pas sy land se lys van top-20-superrykes bekend gemaak het, meen Aleksandr is die rede vir Steyn se groeiende rykdom.

Sedert die begin van die veldtog het sy rykdom glo verdubbel van £220 miljoen (sowat R3 miljard) tot £420 miljoen (sowat R5,9 miljard). Dis danksy Aleksandr en nog ses meerkatvriende wat vir dié veldtog vir BGL gekonseptualiseer is, meen Britse sakeontleders.

Die meerkat-konsep se skepper is Darren Walsh van Pas­sion Pictures wat ook TV-advertensies regisseer.

Dié meerkatte word selfs as sagte speelgoed verkoop en meer as ’n miljoen van die Orlov-familie het al huise gevind.

Aleksandr het ook sy eie Facebook-blad met duisende volgelinge en sy doen en late kan op Twitter gevolg word.

Sy “outobiografie”, A Simples Life: The Life and Times of Aleksandr Orlov, vertel van sy voorsate se reise van die Kalahari na Moskou. Daarna het nog ses boeke, Meerkat Tales, gevolg.
Steyn, wat deels in Suid-Afrika en deels in Londen woon, het onlangs in Londen die huis van wyle Bruce Wasserstein, ’n Wall Street-miljardêrbankier, teen £62,75 miljoen (sowat R820 miljoen) gekoop.



In Suid-Afrika besit hy die vyfster-Saxon-hotel in Johannesburg en die Shambala-wildreservaat in die Waterberge.

Jonathan Butt, Steyn se persoonlike assistent, het aan Rapport gesê Steyn is ’n “buitengewoon private individu en staan nie onderhoude aan die media toe nie”.

Hy meen egter Aleksandr Orlov het gekom om te bly, al het Steyn BGL verlaat.

Ian Young, besturende direkteur van die reklameagentskap Saatchi & Saatchi in Kaapstad, het by navraag gesê die sukses van die meerkatveldtog is te danke aan sy vermaaklikheidswaarde en sigbaarheid.

“Baie maatskappye vergeet dat mense selfs in moeilike ekonomiese tye ook emosioneel op boodskappe reageer en dié advertensies onthou wat die regte snaar pluk.

“Dié veldtog is heeltemal anders – dis snaaks, uitstekend uitgevoer en hoogs onthoubaar.

“Die gebruik van ‘simples’ is vlymskerp en het ’n frase in die omgangstaal geword, wat die handelsmerk in mense se geheue inbrand.

“Wat die veldtog laat uitstaan, is die insig dat die meeste mense deesdae eers aanlyn kan rondsoek vir die beste transaksie en pryse kan vergelyk.”

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C High level clouds. Mild. Pta: 3-21°C Sunny. Mild.
Jhb: 4-17°C Sunny. Refreshingly cool. Bfn: 1-20°C Morning clouds. Mild.
Dbn: 9-22°C Sunny. Mild. PE: 12-19°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!