‘Ek koester geen wrok’

2013-01-05 23:22

Burry en Cherise Stander op hul troudag.

Lesersfoto’s Stuur vir ons jou foto's  ·  Stuur vir ons jou foto's

Haar man het in ’n ongeluk met ’n taxi gesterf, maar Cherise Stander sê sy koester geen wrok teen die taxibestuurder nie.

Burry Stander (25), Suid-Afrikaanse bergfietskampioen, het Donderdag by Shelly Beach in KwaZulu-Natal gesterf.

“Maar ek voel ook dis nodig dat ’n mens verantwoordelik gehou word vir jou optrede.

“Dit sou die bestuurder twee sekondes geneem het om te stop... Maar toe eis dit ’n lewe.”

Ene Jabulani (25), die taxibestuurder wat van strafbare manslag aangekla word, het volgens ’n mede-taxibestuurder eers sowat twee weke gelede in Port Shepstone begin werk.

Jabulani het glo vroeër in die landelike gebied by Bhetani, naby Port Shepstone, as taxibestuurder gewerk.

Hy wou op advies van sy regsverteenwoordiger nie met Rapport praat nie.

Burry was op sy fiets toe die taxi teen hom gebots het.

Hy het op die toneel gesterf.

Cherise was gister nog te ontsteld om self met die media te praat en het by monde van die familiewoordvoerder, Zoon Cronjé, haar verlies aan Rapport beskryf.

Cronjé sê hulle wil nie bespiegel oor presies wat gebeur het nie, maar die ongelukstoneel is by ’n stopteken skaars 100 m van Stander se fietsrywinkel af.

“Ons was vanoggend by die lykskouing. Daar is nie ’n skrapie aan Burry se lyf nie. Hy het waarskynlik sy nek gebreek,” sê Cronjé.

Cherise sê sy weet niks gaan ooit weer haar man terugbring nie, maar sy wil ook nie hê hy moet ooit vergeet word nie.

Sy is oorweldig deur die reaksie op die totstandkoming van die Burry Stander-stigting om die veiligheid van fietsryers te verbeter. Sy hoop dit kan groot verandering vir ander fietsryers meebring en sy gaan ook self daarby betrokke wees.

“Burry was altyd paranoïes oor voertuie. Hy was altyd die een wat op groepsritte al die fietsryers in plek gehou het,” sê Cherise.

“Ek en hy het nog onlangs saam gaan ry en ek het ’n bietjie vinnig by ’n gorge afgegaan.

“Hy het vreeslik met my geraas.

“Burry het gesê ek moet altyd onthou dat selfs as ’n kar van voor af kom, jy ook vir die bestuurder moet kan dink.”

Die dag voor sy dood het die Standers aan ’n groot groepsrit deelgeneem.

“Daar was baie pap wiele en Burry was die een wat elke keer teruggekom het om te kom help.

“Hy was dalk aan die buitekant ’n tawwe, stowwerige bergfietsryer, maar van binne was hy die sout van die aarde.”

Cherise beskryf haar man as die centrepiece van die familie.

“Dis hoekom almal nou so verpletter is. Ek wys foto’s van groepsritte vir my skoonpa, Charles, dan kry hy trane in sy oë van trots.”

Volgens Cronjé dra al die boodskappe van medelye wat van oor die wêreld ontvang word die familie in die moeilike tyd.

Die paartjie is verlede jaar op 26 Mei getroud.

Vir die Suid-Afrikaanse bergfietsrygemeenskap was Stander ’n legende.

“Vir my was hy my beste vriend, die liefde van my lewe... en ook ’n held,” het Cherise laat weet.

* Burry se gedenkdiens word Donderdag in Port Shepstone gehou. Mense is welkom om hul briefies na posbus 981, Umtentweni 4235 te stuur. Dit sal dan by die begrafnis aan hom opgedra word.
Verskeie internasionale fietsryers het ook laat blyk dat hulle video’s gaan aanstuur om by die diens te vertoon. Die tyd en plek sal binnekort op Burry se amptelike Facebook-blad bekend gemaak word.


Lees Rapport se kommentaar beleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 19-24°C Sunny. Mild. Pta: 10-24°C Sunny. Mild.
Jhb: 9-19°C Afternoon clouds. Mild. Bfn: 11-23°C Morning clouds. Mild.
Dbn: 15-26°C Sunny. Mild. PE: 17-26°C Sunny. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!