Eskom betaal R36 miljoen aan ‘pretdae’

2012-07-09 07:50

Eskom het verlede jaar R36 miljoen geblaas op partytjies vir die elektrisiteitsreus se personeellede en hul gesinne.

Die vermorste belastingbetalersgeld sou vir ’n maand lank basiese gratis elektrisiteit kon voorsien aan meer as ’n miljoen arm huishoudings.

Media24 se ondersoekspan het met behulp van die Wet op die Bevordering van Toegang tot Inligting afskrifte van kontrakte vir verlede jaar se partytjies bekom.

Die openbaarmaking van die gefuif kom nadat die kragvoorsieningsliggaam sy tariewe met 16% verhoog het.

Dít ondanks ’n versoek van pres. Jacob Zuma dat Eskom die prysskok vir verbruikers beperk.

Intussen maak Eskom hom reg om by die elektrisiteitsreguleerder aansoek te doen om nog vyf jaar se tariefverhogings.

Kritici het vroeër vanjaar met skok gereageer op berigte dat Eskom R3 miljoen bestee het aan ’n familie-pretdag in Kaapstad.

Dié partytjie in Kaapstad was egter maar net die ore van die partytjie-seekoei.

Sedert Oktober verlede jaar het die semi-staatsinstelling ’n verbysterende R36 504 036,44 aan sewe “familie-pretdae” bestee.

Dit is genoeg geld vir ’n maand se 50 gratis kilowatt elektrisiteit aan elk van meer as ’n miljoen arm huishoudings.

Die aansoek om die Bevordering van Toegang tot Inligting het onthul dat die naam van die kontrakteur (met wie Eskom die hoofkontrak gesluit het vir die grootste besteding van die partytjiegeld) verwyder is omdat die maatskappy nie wou toestem dat sy naam bekend gemaak word nie.

Media24 se ondersoekspan het egter vasgestel dat die winsgewende hoofkontrak van R35 miljoen aan Blackmagic Communications toegeken is.

Toe die maatskappy om kommentaar genader is, het hulle deur hul prokureurs gesê:

“Blackmagic het niks verder by te voeg as wat reeds in die dokumente staan wat aan julle deur Eskom gegee is nie.”

Blackmagic het ook aangevoer dat hulle nie genoeg tyd gehad het om die vrae te beantwoord nie.

Lemias Mashile, adjunkpresident van die South African Civics Organisation (Sanco), sê die manier waarop Eskom miljoene bestee aan partytjies is ’n klap in die gesig van armes.

Benewens die miljoene op die kontrakte, is amper R500 000 bestee aan onder meer: die huur van busse en taxi’s vir personeellede; die huur van ’n perseel by die Universiteit van die Wes-Kaap; vyf dae se verblyf in die Protea Hotel in Kaapstad; gesigportrette en bingo in Durban; en 180 hamburgers en koeldranke by ’n padkafee buite Kaapstad.

Paul Crankshaw, die adjunkvoorsitter van die nasionale verbruikersforum, sê dit is onsensitief van Eskom om miljoene aan pretdae te bestee terwyl verbruikers gebuk gaan onder erge prysverhogings.

Hilary Joffe, ’n Eskom-woordvoerder, sê die pretdae was ’n geleentheid om die personeellede te bedank vir hul harde werk en toewyding “om die ligte aan te hou”.

* Hul eerste kontrak was vir die beplanning van “generasie-familiedae” waar meer as R4 miljoen bestee is aan die onthaal van sowat 12 000 mense in Gauteng.

* Nog twee pretdae in eMalahleni (Witbank) het meer as R10 miljoen gekos en ander soortgelyke geleenthede in Lephalale het amper R5 miljoen gekos.

* Die Kaapstad-pretdag in Maart wat R3,4 miljoen gekos het en waaroor daar so ’n bohaai was, was die tweede partytjie wat Eskom in die streek gehou het.

* Die eerste familiedag is in November gehou teen sowat R5 miljoen.

* Nog ’n pretdag in Durban het R1 miljoen gekos en is afsonderlik uitgekontrakteer.

Lees Rapport se kommentaarbeleid

Lewer kommentaar op hierdie artikel
6 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-18°C Sunny. Mild. Pta: 6-23°C Sunny. Mild.
Jhb: 7-18°C Sunny. Mild. Bfn: 4-23°C Sunny. Mild.
Dbn: 13-25°C More sun than clouds. Mild. PE: 13-25°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!