Estie: Polisie vra Interpol se hulp

2012-12-16 02:27

Estie Pienaar

Lesersfoto’s Stuur vir ons jou foto's  ·  Stuur vir ons jou foto's

Die Zambiese polisie het Interpol gekontak nadat Estie Pienaar (33) nie opgedaag het by die hofverskyning van haar man se vermeende moordenaar nie. 

Die Namibiese koerant Die ­Republikein het verlede week berig ’n lasbrief is vir Pienaar se inhegtenisneming uitgereik. 

Die Zambiese polisie wou dít nie aan Rapport bevestig nie. 

Pienaar was veronderstel om saam met ’n onbekende Suid-Afrikaanse staatsgetuie te getuig teen Nicky Rossouw (58) van Namibië. 

Pienaar en Rossouw het glo vroeër aan die Zambiese owerhede erken hulle het ten tyde van haar man, Marius Pienaar (50), se dood ’n verhouding gehad. 

Die verhoor is in die hooggeregshof in Mongo in Zambië se Westelike Provinsie. Pienaar, 

’n Suid-Afrikaner, was aanvanklik saam met Rossouw in die beskuldigdebank, maar is in Augustus vrygelaat toe sy ingestem het om ’n staatsgetuie te wees. 

Marius se lyk is in Julie met wonde aan die kop en nek in die Zambezi-rivier gevind. 

Hy het op 26 Julie by Rossouw se Nina-hengelkamp verdwyn. 

Sy lyk is drie dae later sowat 10 km stroomaf gevind. 

“Ek kan bevestig dat die Zambiese polisie in kontak was met Interpol se kantoor in Suid-Afrika, maar ons kan tans nie meer oor die saak sê nie,” het kapt. Dennis Adriao, ’n polisiewoordvoerder, aan Rapport gesê op ’n vraag of daar in Suid-Afrika na Pienaar gesoek word. 

Mutamba Mutamba, haar regsverteenwoordiger in Zambië, ontken dat sy deur die direk­toraat van openbare vervolging gedagvaar is om op Dinsdag 4 Desember in die hof te verskyn. 

Genl. Bushie Engelbrecht, ’n oudpolisieman wat Pienaar in die saak bystaan op versoek van haar pa, Hercules Pretorius van Johannesburg, glo daar is êrens ’n misverstand. 

“Dalk het die owerhede nagelaat om haar in kennis te stel dat sy in die hof moet verskyn,” sê Engelbrecht. 

Volgens Engelbrecht is Pienaar in Suid-Afrika. 

Rapport is van bakboord na stuurboord gestuur toe navraag gedoen is by die kantoor van Mutembo Nchito, Zambië se direkteur van openbare vervolging, of daar wel ’n lasbrief uitgereik is. 

Intussen het ’n polisiebron in die Suid-Afrikaanse hoëkommissariaat in Lusaka Rapport vertroulik meegedeel die hofsaak is ook uitgestel om die polisie in Suid-Afrika tyd te gun om die saak verder te ondersoek. 

Die bron sê die owerhede wil meer inligting by familielede van die oorledene inwin en ook bankrekeninge nagaan wat met die saak verband hou. 

Mulumbwa Nyambe (30), wat by Rossouw se Nina-hengelkamp gewerk het, is aanvanklik ook aangekla, maar is in Augustus vrygelaat weens ’n gebrek aan bewyse. 

Die Zambiese owerhede wou nie die identiteit van die ander staatsgetuie bekend maak nie. 

“Ons weet nie hoekom hulle (Pienaar en die staatsgetuie) nie opgedaag het nie. As die redes daarvoor nie bevredigend was nie, sou die hof ’n lasbrief vir hul inhegtenisneming uitgereik het,” sê Fanuel Siandenge, polisiekommissaris vir die Westelike Provinsie. 

Solik Tembo, ’n staatsaanklaer wat vroeër by die saak betrokke was, het benadruk Pienaar se vrylating in Augustus beteken nie sy is skotvry nie. 

“As die hof bevind daar is genoeg getuienis en bewyse om haar met die saak te verbind, kan sy weer in hegtenis geneem word.” 

Dieselfde geld Nyambe.

Lees Rapport se kommentaarbeleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-19°C Sunny. Mild. Pta: 12-30°C Sunny. Pleasantly warm.
Jhb: 12-26°C Sunny. Pleasantly warm. Bfn: 13-30°C High level clouds. Pleasantly warm.
Dbn: 18-33°C More sun than clouds. Hot. PE: 12-21°C More sun than clouds. Mild.
7-dag-voorspelling...

Betrekkinge - Vind jou droomwerk

Sales Consultant

Midrand
New East Consulting Services (Pty) Ltd
R37 000 - R55 000 Per Month

Call Center Agents(Sales & Debt Collection)

Sunnyside
Weebee Rewards
R3 000 - R6 500 Per Month

Security Guards

Pretoria
Weebee Rewards
R3 000 - R5 500 Per Month

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!