‘Et tu, Zanu?’ Malema afgejak in Zim

2012-10-20 23:33

Julius Malema, oudleier van die ANC-jeugliga, het nog ’n terugslag gekry toe senior amptenare van ­Zanu-PF se sentrale komitee besluit het om hom nie te onthaal nie, het Rapport vasgestel.

Malema was verlede naweek op ’n private besoek in Zimbabwe om die troue van twee Zanu-PF-lede, Tendai Wenyika en Mike Gava, by te woon.

Die sentrale komitee, die beleidsliggaam van Zanu-PF, het op die vooraand van Malema se besoek in Harare vergader, en daar is toe besluit om nie met hom kontak te maak nie.

Na verneem word, wil Zanu-PF nie die indruk wek dat hy kant kies nie en ook nie sy verhouding met die ANC-leierskorps en pres. Jacob Zuma “op die spel plaas nie”. Zuma is ook die bemiddelaar in Zimbabwe se politieke krisis.

Die ANC-leierskorps het al voorheen swaarde gekruis met Zanu-PF oor sy verhouding met Malema. Gwede Mantashe, sekretaris-generaal van die ANC, het die Zanu-PF-leierskorps verlede jaar daarvan beskuldig dat hy Malema se gedrag en denke beïnvloed.

“Toe Mantashe die Zanu-PF-konferensie in Desember bygewoon het, het hy sy steun toegesê aan Zanu-PF om hulle te help om die volgende verkiesing te wen. Sommige partylede meen as hulle Malema nou verwelkom, sal dit die verkeerde boodskap uitstuur dat die party Malema steun in sy stryd teen Zuma,” sê ’n senior Zanu-PF-amptenaar, wat verkies om anoniem te bly.

Malema is nou in ’n politieke niemandsland nadat hy vroeër vanjaar uit die ANC geskors is. Hy word ook deur die Valke vir agterstallige belasting van miljoene rande ondersoek, sowel as deur adv. Thuli Madonsela, die openbare beskermer, oor sy inkomste.

Rugare Gumbo, Zanu-PF-woordvoerder, sê Malema het Zimbabwe net besoek om die troue by te woon, niks meer nie.

“Malema is as ’n individu hier om ’n troue by te woon. Dis die einde van die saak. Ek kan nie verder bespiegel nie. Toe hy laas hier was, het hy met sommige Zanu-PF-amptenare gepraat en met ander nie.”

Malema het op ’n besoek in 2010 vir pres. Robert Mugabe ontmoet en was die gas van Saviour Kasukuwere, een van Mugabe se ministers.

Intussen het die Zimbabwe Union of Journalists (ZUJ) aangedring op ’n verskoning van Malema oor die gedrag van sy lyfwagte wat twee joernaliste van Daily News aangerand het.

Dumisani Sibanda, ZUJ-president, sê: “Die gruwelike optrede van Malema se lyfwagte was daarop gemik om joernaliste wat hul professionele werk wou doen, te intimideer.”

Lees Rapport se kommentaar beleid

Lewer kommentaar op hierdie artikel
22 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-21°C Morning clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 4-16°C Sunny. Cool.
Dbn: 13-23°C Morning clouds. Mild. PE: 11-23°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!