Gay hoor gou oor preekstoel
2012-10-20 23:37
- Artikelopsies
- Deel
- Kry Rapport op
Abe Pieterse, ’n oud-Matie en afgestudeerde gay teologie-student van Atlantis, sal laat November weet of hy tot die preekstoel toegelaat sal word.
Pieterse het vyf jaar gelede ook by die VGK om legitimasie aansoek gedoen, maar is afgekeur.
’n Kerkorde van die Gereformeerde Kerke kan nie los van sinodale besluite en die Skrif verstaan en geïnterpreteer word nie, het dr. Mary-Anne Plaatjies-Van Huffel, moderator van die VGK, aan Rapport gesê. Die besluit van 2007 – dat homoseksuele mense nie gelegitimeer mag word nie – geld steeds.
Die kuratorium mag dus nie ’n homoseksuele kandidaat legitimeer nie.
Dr. Charles Flaendorp, voorsitter van die VGK se Kaaplandse kuratorium en mede-voorsitter van die gesamentlike kuratoria van die VGK en die NG Kerk, meen Pieterse voel hom geroepe tot diens in die kerk en die eksamenkommissie en kuratorium moet oor dié geroepenheid oordeel.
Laurie Gaum, aktivis-teoloog by die Sentrum vir Christelike Spiritualiteit in Rosebank, Kaapstad, sê die VGK staan voor ’n toets oor sy eie belydenis (Belhar) oor geregtigheid, eenheid en versoening.
Die VGK kan profeties die weg aandui vir geregtigheid teenoor gay medemense deur hul volle toegang tot al die ampte te gee.