Gé maak destyds vir Gogga bang

2012-10-07 00:19



Maude Adendorff in Lokval in Venesië.




Maude (Adendorff) Klang soos sy deesdae lyk.


Die ster in Lokval in Venesië is Gogga (Maude Adendorff), ’n verstekeling op ’n skip waarmee juweel­diewe van Suid-Afrika na Venesië vlug met die speurder Alwyn van der Hoven (Gé Korsten) al singende op hul spoor.

Rapport se lesers kry dié klassieke Afrikaanse fliek volgende Sondag op DVD gratis saam met die koerant.

Maude Klang, soos sy nou bekend staan, lag lekker wanneer sy aan die verfilming terugdink.

Sy en haar man, John, woon al sedert 1997 in Florida in die VSA.

“Ek was in st. 3 (gr. 5) in die ­Laerskool Louw Geldenhuys in Linden. Ek en ’n vriendin, Siobhan Roux, is gekies om ’n oudisie af te lê. Ek onthou daar was omtrent 100 ander meisies van ander skole ook.

“Die verfilming was harde werk, maar ek was mal daaroor. Ek was vreeslik seesiek op die skeepsreis van Durban na Kaapstad.

“Ek was nooit voorheen op ’n boot nie en het nog nooit eens van seesiekte gehoor nie. Ek het gedink ek is besig om dood te gaan!

“Maar teen die tyd dat ons uit Kaapstad-hawe gevaar het, was ek mal oor die skip en die Italiaanse disse en veral die nagereg!

“Ek onthou dit was ’n bewolkte Sondagoggend toe ons uiteindelik Venesië binnegevaar het.

“Kerkklokke het gelui en die gesig van die Rialto-brug onder daardie grys lug was vir ewig in my geheue vasgelê.”

Dit was Maude se eerste en enigste fliek. “Om op straat herken te word het my ongemaklik laat voel. Maar ek het goeie herinneringe, buiten nou vir die seesiek wees.

“Almal was heel geduldig om met ’n negejarige saam te werk.”

Dit was “intimiderend” om saam met Korsten te werk.

“Ons het sy flieks by die inryteater gaan kyk en skielik was ‘Oom Gé’ in lewende lywe voor my.

“Sy liedjies soos Liefling, Hier is ’n mens en Jerusalem gee my steeds hoendervel.”

Maude het aan die Hoërskool Menlopark gematrikuleer en haar daarna in die advertensiewese begewe. In 1997 het sy en haar man ná ’n vakansie in die VSA besluit om daarheen te verhuis.

“Ons het ’n aanlyn-sportklerewinkel en geniet ons lewe hier.

“Die liefde van ons lewe is Zac, ons chihuahua. Ons geniet die warm, kalm oseaan, die eilande, bootvaar en sneeuski. En ons is steeds vurige ondersteuners van Suid-Afrikaanse rugby.”

Maude is die tannie van Shaun Adendorff, die jongeling-flank van die Blou Bulle wat ook vanjaar vir die Bokkies in die o.21-Wêreld­beker gespeel het.

Ivan Hall, regisseur van Lokval in Venesië, het sy fliekloopbaan by Kavalier Films begin met die vervaardiging van die Anglo-Boereoorlogsdrama Kruger Miljoene.

Hy het ’n string suksesvolle flieks agter sy naam, waaronder Afrika se eerste Oosterse gevegkunsfliek, Karate Olympia, in 1976 en die politieke riller Funeral for an Assassin, wat in 1974 aanvanklik deur die sensorraad verbied is.

Sy grootste sukses as rolprentmaker was Karate Olympia se opvolgfliek, Kill and Kill Again, met ­James Ryan en waarin die oud-Mej. Wêreld, Anneline Kriel, die rol van ’n sekskatjie met die naam Kandy Kane speel. Die fliek was baie gewild in die Verre Ooste en die VSA, waar dit no. 1 op Variety se lys van kaartjieverkope was.

Hall is in 2007 deur die Nasionale Rolprent-, Video- en Klankargief vereer vir sy bydrae tot die Suid-Afrikaanse rolprentbedryf.

Lokval in Venesië word met die vergunning van kykNET se Silwerskermfees aan Rapport-lesers verskaf.



Lees Rapport se kommentaar beleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-20°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 3-17°C Sunny. Cool.
Dbn: 13-23°C Morning clouds. Mild. PE: 12-22°C High level clouds. Mild.
7-dag-voorspelling...

Betrekkinge - Vind jou droomwerk

Diesel Mechanic

South Africa
Planet 10 Mgt & Consulting
Market Related

Boilermaker

South Africa
Planet 10 Mgt & Consulting
Market Related

Contracts Manager

South Africa
Planet 10 Mgt & Consulting
Market Related

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

Uitverkoping vir 24 uur – 30% afslag op huisware & toestelle

Kry net vandag 30% afslag op uitgesoekte elektriese komberse, verwarmers, ketels, koffiemasjiene en nog baie meer. Aanbod geldig tot middernag 25 April. Solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!