Geen vrou onder ANC-topdrie

2012-10-11 11:34

Die ANC is klaarblyklik ná 100 jaar nog nie gereed om ’n vrou as president van die party te benoem nie.

Die ANC-vroueliga het gister bevestig hy sal geen vrouekandidaat vir die drie hoogste posisies in die party benoem nie.

Troy Martens, vroueliga-woordvoerder, het gesê die vroueliga meen kontinuïteit is vir nou die beste ding vir eenheid in die party.

“Om nog ’n kandidaat as president voor te stel sal net verdere skeurings in die party veroorsaak. Ons glo dus ons rol is nou om te help om die party te verenig.”

Weens Suid-Afrika se patriargale samelewing kan ’n vrouepresident van die ANC ná 100 jaar nog nie ’n werklikheid word nie, het Martens gesê.

Al nege provinsiale voorsitters en al nege provinsiale sekretarisse van die ANC is mans.

Ishmael Mnisi, ANC-woordvoerder, het Beeld verwys na die ANC-grondwet se riglyne oor die verkiesing van provinsiale leiers.

Sommige senior vrouelede van die ANC is ontsteld oor die party se gebrek aan transformasie wat geslagsgelykheid in die party betref.

In ’n kwetsende brief aan die ANC het Thenjiwe Mtintso, ’n lid van die nasionale uitvoerende komitee (NUK) en ambassadeur in Italië geskryf: “Om stemme vir ’n vrouekandidaat as president te werf is nie ’n mosie van wantroue in enigiemand nie.”

Volgens haar moet ANC-vroue die stryd om vroueregte in die party voer en standpunt daaroor inneem. “Is dit waar dat daar in 100 jaar nie een vrou in die ANC is wat geskik is om die party te lei nie?”

Mtintso het gesê die meerderheid ANC-lede is vroue, maar vroue daarvan beskuldig dat hulle “verdwyn” wanneer benoemingslyste vir presidentskap rondgestuur word.

Christi van der Westhuizen, navorsingsgenoot by die Instituut vir Versoening en Sosiale Geregtigheid by die Universiteit van die Vrystaat, het gesê “kontinuïteit” is net kodetaal vir ’n tweede termyn vir pres. Jacob Zuma as president.

Volgens haar is die sterkste vrouekandidaat vir die ANC-presidentskap dr. Nkosazana Dlamini-Zuma. “Die partyleiers het egter agteroor gebuig om haar as leier van die Afrika-Unie verkies te kry en haar as sulks uit die weg geruim.”

Met verwysing na Angie Mo-tshekga, minister van basiese onderwys en leier van die vroue­liga, het Van der Westhuizen gesê: “Ná die handboekskandaal vanjaar is daar nie teen Motshekga opgetree nie. Daar kan met reg gesê word dit lyk asof Zuma mooi sorg vir sekere vroue en hulle sorg weer vir hom.” -- BEELD
 

Lees Rapport se kommentaarbeleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
7-dag-voorspelling...

Betrekkinge - Vind jou droomwerk

Sales & Marketing

Pretoria City Centre
Capital Growth
R1 500 - R4 000 Per Week

Development Marketing Manager: Trainee required

Pretoria North
Capital Growth
R1 500 - R4 000 Per Week

Sales Representative

Centurion
The Prestige Personnel Agency
R15 000 - R20 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!