Gesant kom huis toe ná dwelmdood in sy huis

2012-09-10 05:50

Die Suid-Afrikaanse diplomaat in Parys, Frank­ryk, in wie se huis ’n vrou verlede naweek aan ’n oordosis dwelms gesterf het, sal stil-stil terugkeer na Suid-Afrika terwyl die openbare vervolger in Parys moontlike klagtes van straf­bare manslag en dwelmsmokkelary ondersoek.

Rapport het eergister verneem van die “uitleweringsooreenkoms” van die diplomaat – een van ’n handvol eerste sekretarisse, oftewel attachés, in die Suid-Afrikaanse ambassade in Parys.

Die attaché word deur diplomatieke immuniteit beskerm.

Sou hy van enige misdrywe verdink word, kan ’n klag nie in Frankryk teen hom aanhangig gemaak word nie.

Soos Rapport verstaan, sal hy teruggebring word na Suid-Afrika om “ongemaklikheid” in Parys te vermy, veral aangesien dwelmsmokkelary vermoed word en dit dalk tot ’n diplomatieke uitval tussen Suid-Afrika en Frankryk kan lei.

Clayson Monyela, woordvoerder van die departement van internasionale betrekkinge en samewerking, het Maandag aan Cape Times gesê die diplomaat is ’n man.

Rapport het vasgestel daar is drie mans in die ambassade met die titel eerste sekretaris.

Agnes Thibault-Lecuivre, woordvoerder van die openbare vervolger in Parys, wou ingevolge die diplomatieke immuniteit nie die diplomaat se naam bekend maak nie.

Die diplomaat en ses ander mense wat verlede Saterdagmiddag nog by sy huis was toe die 26-jarige vrou begin siek voel het, is die afgelope week ondervra.

Die vrou het Saterdagmiddag gaan slaap, maar nie Sondag wakker geword nie.

’n Lykskouing Maandag het getoon daar was ’n dodelike hoeveelheid kokaïen, heroïen, alkohol en ’n middel wat dwelmmiddels verdun in haar bloedstroom.

Sy is aan water op die longe dood.

Luidens berigte in Frankryk ondersoek die polisie en vervolgingsgesag juis wie die dodelike hoeveelheid onwettige dwelms aan haar verskaf het. Daar word verneem die groep mense is ná ’n partytjie Vrydagaand na ’n geselligheid by die diplomaat se woning.

Nie die Suid-Afrikaanse ambassade in Parys, die departement van buitelandse sake óf die Franse ambassade in Pretoria het kommentaar gelewer nie. Die Franse konsulaat het navrae na Suid-Afrika se ambassade in Parys verwys.

Intussen gons dit op Franse webwerwe oor die vrou se dood.

Haar naam is nie bekend gemaak nie.

Lees Rapport se kommentaarbeleid

Lewer kommentaar op hierdie artikel
7 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-19°C Sunny. Mild. Pta: 2-19°C Sunny. Mild.
Jhb: 0-14°C Sunny. Refreshingly cool. Bfn: -2-15°C Sunny. Refreshingly cool.
Dbn: 14-19°C Mostly sunny. Cool. PE: 7-17°C More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!