‘God kies die tyd’

2012-10-13 23:19

Harry Vermaak, vragmotorbestuurder van Port Elizabeth wat die afgelope week ’n man van ’n gewisse dood gered het toe laasgenoemde van die Van Stadensbrug wou spring.| Foto: Theo Jeptha

Lesersfoto’s Stuur vir ons jou foto's  ·  Stuur vir ons jou foto's

Die man sou die 86ste persoon gewees het wat van die Van ­Stadensbrug naby Port Elizabeth na sy dood spring.

Maar toe kom ’n barmhartige Samaritaan verby.

Harry Vermaak, ’n vragmotorbestuurder van dié stad, sê hy was Woensdag om 02:00 op die pad toe hy ’n motor by die brug sien staan.

Vermaak, wat van Port Elizabeth op pad na Plettenbergbaai was, het eers verby gehou, maar later teruggedraai.

“As ’n motor naby die brug staan, beteken dit net een ding: Iemand het hulp nodig,” sê Vermaak. Hy het aan die voertuig se deur geklop en ’n bleek man het uitgeklim.

“My tyd het aangebreek,” het die man, ’n pa van twee kinders, gemompel.

Sy plan was om van die “brug van die dood” te spring. Toe gaan sit hy daar in sy Mazda en wag sy uur af. Sy selfmoordbrief was klaar geskryf.

“In God se tyd. Nie joune nie. Net Hy besluit wanneer jy moet gaan,” sê Vermaak.

Hy het die polisie ontbied en die man aan die boarm vasgehou terwyl hy deurentyd met hom bly praat het. “God het my gestuur om jou te kom red en moed in te praat. As jy jou kinders lief het, moet jy teruggaan na hulle. Môre het hulle jou nodig en dan is jy nie daar nie.”

Vermaak, self ’n pa van nege kinders, vertel hy ken depressie; ook hy wou drie jaar gelede sy lewe beëindig. “Ek wou ook in 2009 my lewe neem nadat ek my besighede verloor het. Ek weet hoe dit is.”

Terwyl hulle op die polisie gewag het, het die man se selfoon gelui. Dit was sy dogter. Toe gee hy die foon aan Vermaak.

“Ek het vir die dogter gesê haar pa wil selfmoord pleeg. Daai kind was stukkend. Ek het vir haar gesê om ons by die polisiekantoor te kry.”

Die dogter het in trane uitgebars toe sy haar pa sien. Sy vrou was uitdrukkingloos, sê Vermaak.

Waarom die man nie meer wou lewe nie, is duister. Rapport het sy gesin gekontak, maar hulle wou nie praat nie.

“Dis ’n persoonlike saak vir ons familie,” het sy vrou gesê.

’n Dag voordat die man wou spring, het ’n ander man van die einste brug na sy dood gespring.

Hy was die 85ste geval.

Hulle moet weekliks mense wat wil spring van die brug verwyder, sê kol. Priscilla Naidu van die Thornhill-polisiekantoor, tien minute weg van dié brug.

“Wanneer mense snags wil spring, is dit moeilik vir ons kameras om dit op tel. Dis donker en die brug is nie belig nie,” sê Naidu.

Lees Rapport se kommentaar beleid

Lewer kommentaar op hierdie artikel
43 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 16-24°C Sunny. Mild. Pta: 13-23°C Passing showers. Afternoon clouds. Mild.
Jhb: 9-18°C Passing showers. Morning clouds. Mild. Bfn: 10-21°C Afternoon clouds. Mild.
Dbn: 16-19°C Passing showers. Morning clouds. Cool. PE: 11-20°C Partly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

kalahari.com se #1 topverkoperproduk

gobii se e-leser + GRATIS muurlaaier en kunsleeromhulsel nou R599, bespaar R340. Aanbod geldig solank voorraad beskikbaar is. Koop nou!

25% op nuwe en topverkoperflieks

Kies uit gewildste titels soos Despicable Me 2, Gravity, Frozen, The Hunger Games: Catching Fire en nog baie meer. Aanbod geldig solank voorraad beskikbaar is. Koop nou!

Nuwe boekuitreikings!

Kom loer na die opwindende boeke wat ons so pas uitgepak het. Titels sluit in David & Goliath van Malcom Gladwell, The Goldfinch van Donna Tartt en nog baie meer. Koop nou!

DVD’s vir minder as R100

Kry hierdie epiese trefferflieks vir minder as R100. Titels sluit in Frozen, Despicable Me 2, About Time, The Animal Communicator en nog baie meer. Koop nou!

Besoek www.kalahari.com vir miljoene boeke, musiek, DVD's, games & meer!