Goeie tye dra hom deur donkerte

2012-08-12 00:11

Foto: Nasief Manie

Lesersfoto’s Stuur vir ons jou foto's  ·  Stuur vir ons jou foto's

Altesame 15 jaar se krieketherinneringe en die steun van die hele land is wat Mark Boucher die afgelope drie weke deur die “donkerste tyd” van sy lewe dra.

Dié 35-jarige paaltjiewagter van die Proteas het die afgelope week vir die eerste keer gepraat oor die fratsbesering wat sy krieketloopbaan kortgeknip én hom feitlik sonder enige sig in sy linkeroog gelaat het.

Boucher, wat Suid-Afrika sedert 1997 in 147 toetse, 295 eendag- en 25 Twintig20-wedstryde verteenwoordig het, is verlede maand beseer in die toerspan se eerste oefenwedstryd op sy Engelse toer toe ’n dwarsbalkie hom in sy linkeroog getref het.

Hy het die lens, die­­ reënboogvlies en die pupil van dié oog verloor en daar was erge skade aan sy retina.

“Dit was baie emosioneel om my spanmaats in Engeland agter te laat. Almal het geweet ek sou ná die laaste toets op Lord’s uittree, maar dit was moeilik om dit só te doen en boonop baie onsekerheid te hê oor my gesondheid,” het Boucher gesê.

“Die lens, die vlies en pupil kan vervang word, maar die retina is die deel wat bepaal of ek weer sal kan sien.

“Al wat ek nou kan doen, is om geduldig te wees en te vertrou dat dit genoeg herstel.”

Volgens Boucher, wat die wêreldrekord hou vir die meeste gesamentlike slagoffers in internasionale krieket (999), weet hy steeds nie presies wat gebeur het nie.

“Sommige dokters meen die bal het die balkie in my oog ingekap, maar al wat ek kan onthou, is toe dit my tref.

“Ek het aanvanklik nie gedink die besering is te ernstig nie en ek het die oog probeer oopmaak. Daar was egter soveel vog in dat ek niks kon sien nie.”

Hy het sy handskoene uitgetrek en aan die oog gevat, sê Boucher.

“Ek het gedink dis bloed, maar toe ek na my hande kyk, het ek ’n witterige vloeistof gesien. Dís toe ek besef hier’s moeilikheid.”

Boucher het reeds verskeie operasies ondergaan en verduur steeds erge pyn. “Ek besef ek sal nooit weer krieket speel nie en dis jammer, want ek wou graag ’n bydrae lewer tot die Cobras (sy provinsiale span). Die gevaar is egter net te groot dat ek my linkeroog verder sal beseer of selfs skade aan my regteroog opdoen.”

Boucher beplan om ’n liefdadigheidsmaatskappy te stig en sal voortaan help om geld in te samel vir die Our Rhinos in Safe Hands-veldtog wat help met die bekamping van renosterstropery.

“Ek het lankal begin planne beraam vir ’n lewe ná krieket en ek en Jacques Kallis (die Protea-kolwer en Boucher se boesemvriend) het pas ons eie wynreeks bekend gestel.

“Dit word The Innings genoem en verkoop reeds uitstekend. Daar is ook ander opwindende moontlikhede, maar vir eers is my top-prioriteit om gesond te word.”

Intussen stroom boodskappe van medelye steeds in.

“Ek kry nou nog SMS’e van almal; van sport- en sakemanne tot politici en doodgewone mense.

“Dít, en al my Protea-herinneringe – soos ons oefenkamp in Switserland voor die begin van die Engelse toer – het my gedra deur die donkerste tyd van my lewe.

“Ek glo ek is in goeie hande. Dié is net nóg ’n uitdaging op my pad en ek sál dit oorkom.”

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-21°C High level clouds. Mild. Pta: 11-30°C Sunny. Pleasantly warm.
Jhb: 12-26°C Sunny. Pleasantly warm. Bfn: 13-31°C High level clouds. Pleasantly warm.
Dbn: 15-28°C High level clouds. Warm. PE: 13-21°C Afternoon clouds. Mild.
7-dag-voorspelling...

Betrekkinge - Vind jou droomwerk

Internal Banker

Gauteng
Initiate International
R270 000 - R300 000 Per Year

Sales Representative

KwaZulu-Natal
Initiate International
R144 000 - R180 000 Per Year

Fund Accountant (Junior/Graduate)

Western Cape
State Street Global Human Resources

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!