‘Groot Vyf’ dreig om Superrugby te boikot

2012-02-11 23:43

Suid-Afrika se vyf spanne in die Superrugbyreeks dreig om hulle aan dié reeks te onttrek.

Die Stormers, Bulls, Lions, Cheetahs en Sharks verklaar in ’n brief aan die Suid-Afrikaanse Rugbyunie (Saru) hul eenparigheid om hulle aan die Superreeks te onttrek indien al vyf spanne nie in 2013 se reeks speel nie.

Dié dreigement volg op die bekragtiging van die Kings se deelname aan die 2013-reeks.

Die Southern Kings bestaan uit die drie rugbyunies in die Oos- en Suid-Kaap: Oostelike Provinsie, Grens en Suidwestelike Distrikte.

Die sogenaamde “Groot Vyf” het die afgelope week in Johannesburg vergader om “moontlike oplossings” te vind sodat die Kings, sowel as al vyf van hulle, in aanstaande jaar se Superreeks kan speel.

Saru het toestemming vir dié vergadering gegee nadat die vyf huidige Super-franchises dit versoek het tydens die jaarvergadering wat einde Januarie in Kaapstad gehou is. Die 14 provinsiale unies van Saru het op dié spesiale vergadering eenparig besluit die Kings moet van 2013 in die Superreeks speel.

Mnr. Oregan Hoskins, Saru-president, het die Super-franchises se dreigement van onttrekking met skok en teleurstelling ontvang.

Hy het aan Rapport bevestig dat die “Groot Vyf” in hul skrywe aan hom gesê het as Sanzar, die liggaam wat die Superreeks namens Saru en die Australiese en Nieu-Seelandse rugbyunies bedryf, nie die kompetisie na 16 spanne vergroot sodat al ses Suid-Afrikaanse spanne kan deelneem nie, hulle nie aanstaande jaar in die Superreeks gaan speel nie.

Hoskins gaan die brief vandeesweek aan die ander nege rugbyunies stuur en “dit sal dan in die hande van al die unies wees om te besluit oor watter spanne in die Superreeks speel”.

Sanzar het ’n reuse-kontrak van nagenoeg R1 miljard met Rupert Murdoch se News Corporation vir die uitsaairegte van onder meer die Superreeks. Dié kontrak strek tot 2015.

Die “Groot Vyf” se dreigement kan tot groot konsternasie in Suid-Afrikaanse rugby lei omdat dit nie so eenvoudig is om die Super-reeks na 16 spanne uit te brei nie.

Eerstens moet Australië en Nieu-Seeland daartoe instem en dan moet News Corp. ook instem. ’n Nuwe formaat wat 16 spanne kan huisves, sal ook gevind moet word. Die reeks is verlede jaar aangepas met die indeling van 15 spanne in drie groepe van vyf spanne elk. Elke groep het uit die plaaslike spanne van die drie deelnemende lande – Suid-Afrika, Nieu-Seeland en Australië – bestaan. ’n Bykomende span sal dié kompetisie-struktuur kelder.

* Die vyf huidige franchises se bedryfsregte vir hul spanne is net geldig tot die einde van vanjaar se kompetisie. Saru kan dus van volgende jaar af nuwe franchises skep.

Lees Rapport se kommentaar beleid

Lewer kommentaar op hierdie artikel
67 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 18-25°C High level clouds. Mild. Pta: 9-26°C Sunny. Pleasantly warm.
Jhb: 9-21°C Mostly sunny. Mild. Bfn: 10-25°C Sunny. Pleasantly warm.
Dbn: 19-26°C Early fog followed by sunny skies. Mild. PE: 15-23°C More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!