Handboeke: Amptenaar wou rondry

2012-08-18 23:49

Lesersfoto’s Stuur vir ons jou foto's  ·  Stuur vir ons jou foto's

Die raaisel oor hoe skoolhandboeke op ashope en aan flarde langs paaie in Limpopo beland het, is ontrafel.

’n Onderwysamptenaar het handboeke by ’n pakhuis in ’n staatsmotor gepak onder die voorwendsel dat hy dit by skole gaan aflewer, maar het dit langs paaie uitgesmyt sodat hy onwettig in die staatsmotor kon rondry sonder om uitgevang te word.

“Hy het dit gedoen, want hy moes met ’n leë motor na die pakhuis terugkeer,” het Bobby Soobrayan, direkteur-generaal van basiese onderwys, Dinsdag in die parlement gesê.

Voorts het ’n korrupte kontrakteur met ’n verouderde brief van die provinsiale onderwys­departement by skole opgedaag om oortollige handboeke te versamel.

Dié is dan onwettig versnipper. Hoe meer handboeke die kontrakteur by skole versamel het, hoe vetter was sy tjek omdat die provinsiale departement hom per gewig betaal het.

Soobrayan het gesê dit is strydig met regeringsbeleid om staatseiendom te vernietig. “Maar die diensverskaffer het net aangegaan en handboeke versnipper en verbrand.”

Volgens hom is korrupte kontrakteurs wat só geld maak ’n “generiese probleem”. Hoewel die departement tans net bogenoemde voorvalle ondersoek, is daar waarskynlik nog kontrakteurs wat onwettig van hand- en werkboeke ontslae raak.

Dié skandes het aan die lig gekom te midde van die debakel van gr. R- tot gr. 3- en gr. 10-leerlinge wat teen einde Julie nog geen handboeke ontvang het nie.

Soobrayan het die skuld vir dié vergrype en die laat aflewering van handboeke gepak op ’n provinsiale departement “wat al jare lank op ’n administratiewe vlak wanfunksioneel is”.

Volgens hom is daar ’n ineenstorting van stelsels in Limpopo se onderwysdepartement en is korrupsie en bedenklike kontrakte ’n uitvloeisel daarvan. Soobrayan het teen druktyd nie op talle navrae van Rapport oor wié die skuldiges is, of daar al teen hulle opgetree is en wat die omvang van die vernietiging van handboeke is, gereageer nie.

Hy en Matanzima Mweli, waarnemende adjunk-direkteur-generaal, het die impak van die afleweringsprobleme op onderrig in Limpopo Dinsdag in die parlement onderspeel.

Mweli het aangevoer onderwysers kon wél klasgee omdat hulle opleiding oor die nuwe kurrikulum ontvang het en in sekere vakke ou handboeke kon gebruik.

“Laat aflewerings het nie in alle gevalle onderrig verongeluk soos voorgegee word nie. Ons het nêrens klagtes van onderwysers óf skoolhoofde gekry nie.”

Soobrayan het gesê dit is verregaande om die indruk te wek daar was “geen onderrig” nie.

Die ANC-beheerde portefeuljekomitee het die departement se plan om die agterstand in onderrig uit te wis, goedgekeur.

Die DA was nie oortuig nie.

“Dit besweer nie my vrese nie,” het Annette Lovemore, DA-LP, gesê.

Lees Rapport se kommentaarbeleid

Lewer kommentaar op hierdie artikel
7 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-20°C Sunny. Mild. Pta: 6-23°C Sunny. Mild.
Jhb: 4-18°C Sunny. Mild. Bfn: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!