Hidrobreking: Moratorium dalk gou opgehef

2012-07-15 00:00

Te min is nog bekend oor of daar wel skaliegas in die Karoo is en of dit die moeite werd is om te ontgin, lui ’n verslag wat nog voor die kabinet moet dien.

Die taakspan wat die verslag saamgestel het, meen dit kan tot Suid-Afrika se nadeel strek as ­hidrobreking verwerp word.

Hoewel maatskappye soos Shell vermoed dat daar ’n rykdom aan skaliegas onder die oppervlak is, sê die wetenskaplikes daar is ’n sterk moontlikheid dat die gas duisende jare gelede al deur dolomiet-“skoorstene” ontsnap het.

Die verslag word na verwagting eers volgende maand aan die kabinet voorgelê.

Hidrobreking is tans een van die mees omstrede omgewingskwessies ter wêreld.

’n Mengsel van water en chemikalieë word onder hoë druk in die rots ingespuit om die gas te onttrek wat diep in die skalierotsformasies vasgevang is.

Miljoene liters van dié mengsel word gebruik om deur die rots te breek sodat die skaliegas vrygelaat word.

Omgewingsgroepe soos die ­Treasure the Karoo Action Group (TKAG) vrees die mengsel kan die watervoorraad in die Karoo besoedel en boerderye bedreig.

Dié vrese en die teenkanting van die publiek het Susan Shabangu, minister van minerale bronne, gedwing om verlede April ’n moratorium op hidrobreking te plaas.

Shabangu het toe ’n interministeriële taakspan saamgestel om vas te stel of dit ’n lewensvatbare moontlikheid vir Suid-Afrika is.

Die taakspan het wetenskap­likes by sy werkgroep ingesluit.

Die publiek is nie gevra om voorleggings te maak nie omdat Shabangu ’n verslag wou hê sonder die “emosie” wat die debat oorheers het. Die moratorium geld steeds totdat die kabinet die verslag bestudeer het.

As dit goedgekeur word, kan ­hidrobreking ’n nuwe energietoekoms vir Suid-Afrika verseker en kan dit moontlik gebruik word om krag op te wek.

’n Verslag van Econometrix, wat deur Shell geborg is, lui dat hidrobreking R200 miljard in die Suid-Afrikaanse ekonomie kan inpomp en 850 000 werkgeleenthede skep.

Volgens betroubare bronne meen die taakspan dit sal onverantwoordelik wees om hidrobreking summier te verbied.

Hulle meen ook sommige omgewingskwessies, soos water­verbruik, moet van geval tot geval behartig word, waaronder die toestaan van waterverbruiklisensies of omgewingsimpakstudies.

Selfs al word die moratorium opgehef, beteken die verslag se fokus op eksplorasie dit sal minstens nege jaar duur voor hidrobreking begin.

Hidrobreking het minstens een getroue ondersteuner in die kabinet in die persoon van Dipuo ­Peters, minister van energiesake, wat sê sy “bid” dat hidrobreking toegelaat sal word.

“Pres. Jacob Zuma praat altyd oor armoede en werkloosheid en hoe dit opgelos moet word.

“As ­hidrobreking veilig is, behoort dit die weg te wees om te volg,” het sy die afgelope week by die Infrastructure Africa Business Forum in Sandton gesê.

Lees Rapport se kommentaar beleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-20°C Mostly sunny. Mild. Pta: 9-24°C Afternoon clouds. Mild.
Jhb: 11-19°C Afternoon clouds. Mild. Bfn: 11-19°C Heavy rain. Morning clouds. Mild.
Dbn: 19-22°C a few tstorms. Mostly cloudy. Mild. PE: 13-16°C Heavy rain. Mostly cloudy. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!