Hof sê hy kan matriekafskeid toe

2012-08-26 00:06

'n Facebook-foto van Jean van Niekerk

Lesersfoto’s Stuur vir ons jou foto's  ·  Stuur vir ons jou foto's

Hul matriekafskeid is al beplan sedert hulle kleuters was.

Vroeg vanjaar is die matriekafskeidrok deur ’n bekende modeontwerper van Bloemfontein geskep en die Giorgio Armani-pak uit Europa ingevoer vir die spesiale geleentheid.

Jean van Niekerk en Quinli Hugo, sy boesemvriendin van kleuterskooldae, was reg vir die swier-geleentheid.

Toe die uiterse teleurstelling.

Die spogseunskool St. Andrews in Bloemfontein het nie aan Van Niekerk ’n uitnodiging gestuur nie.

Die rede? Sy gedrag is swak.

Gister het die nagmerrie skielik tot ’n einde gekom toe die Vrystaatse hooggeregshof net ’n paar uur voor die matriekafskeid die skool beveel het dat Van Niekerk die matriekafskeid mag bywoon.

“Dit is die beste nuus wat ek nog ooit gekry het,” sê Quinli opgewonde. “Ons is regtig maatjie-lief vir mekaar en doen altyd goed saam. Die matriekafskeid is veronderstel om iets baie spesiaals te wees vir ons vriendskap. Ons het maande lank daaraan beplan.

“Ek was verpletter toe Jean aan die begin van Augustus verbied is om die matriekafskeid by te woon. Ek het vir die res van die maand dag ná dag daaroor gehuil,” sê Quinli.

Van Niekerk het ’n dringende aansoek teen die skool, sy beheerliggaam en die LUR vir onderwys ingedien en is deur die skool teengestaan.

Die hof het die interdik gister toegestaan.

Quinli sê sy het gisteroggend gewag en gewag vir ’n antwoord van die hof.

“My senuwees was klaar. Moet ek solank begin regmaak, of moet ek die ergste verwag?”

Toe kom die uitspraak gister voor oggend-tee dat die skool hom nie kan weier nie.

“Ek is verskriklik trots op Jean en sy ouers dat hulle enduit vir ons baklei het,” sê Quinli.

Marlene Cloete, Quinli se ouma, sê hulle moes gister ná die hofuitspraak behoorlik rondspring om die kinders reg te kry vir hul groot aand.

Cloete sê hulle is steeds woedend vir die skool.

“As Jean verkeerd opgetree het kon hulle vir hom ’n ander straf gegee het soos om in die tuin te werk. Dit is belaglik dat die skool albei die kinders se groot oomblik só van hulle wou wegvat. Dit is onmenslik,” sê Cloete.

Jean se pa, Cas, wou nie oor die voorval praat nie.

“Ek het na aanleiding van die hofsaak ’n ooreenkoms met die skool aangegaan dat nie ek of Jean verder hieroor praat nie,” sê hy.

“Al wat ek wel kan sê, is dat die hofsaak my ’n groot klomp geld gekos het,” sê hy.

Van Niekerk het in hofstukke aangevoer hy en 11 ander leerlinge het nie op 1 Augustus uitnodigings ontvang nie.

Die ander seuns wat só gestraf is, is onder meer met dagga betrap. Een het glo nie geskeer nie, ’n ander se hare was te lank en nog een het ’n onderwyseres in die klaskamer laat huil.

Christopher Thomas, skoolhoof, het aan Cloete gesê dit is weens sy gedrag dat hy nie genooi is nie.

Al die ander seuns het intussen uitnodigings ontvang nadat hulle hul gedrag verander het.

Jean sê die skool kon nie vir hom of sy pa ’n spesifieke rede gee waarom hy nie die matriekafskeid mag bywoon nie.

Eers was dit dat hy na rook geruik het, toe sy gedrag, toe dat sy wiskunde nie op datum is nie en daarna dat sy kunswerk agter was.

Sy wiskunde was op datum en die kunswerk het hy gemis toe hy in ’n kliniek behandel is.

Jean het provinsiale kleure in swem en karate.

Lees Rapport se kommentaarbeleid

Lewer kommentaar op hierdie artikel
110 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-21°C Sunny. Mild. Pta: 4-19°C High level clouds. Mild.
Jhb: 3-14°C Mostly sunny. Cool. Bfn: 1-18°C Sunny. Mild.
Dbn: 9-26°C Sunny. Mild. PE: 8-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

HUMAN RESOURCES ADMINISTRATOR

East Rand
Green Marble Recruitment Consultants
R13 000 - R15 000 Per Month

Mine Manager ( Hire Resolve )

Johannesburg
Hire Resolve

Konsultante Benodig!

East Rand
New East Consulting Services (Pty) Ltd
R10 000 - R28 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!