Howzat, Goliat!

2013-01-27 00:02

Lesersfoto’s Stuur vir ons jou foto's  ·  Stuur vir ons jou foto's

Die langste krieketspeler in die 136-jarige geskiedenis van toetskrieket moet spesiaal stewels vir sy no. 15-voete laat invoer.

Wanneer die 2,16 m (oftewel sewe voet een) lange Pakistanse snelbouler Mohammad Irfan (30) op die veld is, troon hy behoorlik bo sy spanmaats uit.

Die Pakistanse span is tans in Suid-Afrika en gaan in drie toetse, twee T20-wedstryde en vyf eendagwedstryde teen die Proteas speel.

Ondanks ’n versoek vir ’n spesiale bed vir Irfan van die spanbestuurder, Naveed Akram Cheema, aan ’n hotel in Oos-Londen waar hulle tuisgaan, is daar nie een voorsien nie.

Dit beteken Irfan moet op ’n gewone 1,8 m lange bed slaap totdat ’n spesiale bed gereed gemaak kan word.

’n Bed is egter nie Irfan se enigste uitdaging nie.

In Suid-Afrika is kosyne gewoonlik 2 m hoog.

Hy sal moet buk as hy by ’n vertrek instap.

Irfan is in die Punjab-provinsie in Oos-Pakistan gebore.

Hy het in ’n onderhoud met die Pakistanse media gesê hy het begin uitskiet toe hy in gr. 8 was.

Sy lengte was nog altyd vir hom ’n probleem, al was sy vier broers ook almal langer as 1,8 m.

“Ek kon nie behoorlik in die skoolbus sit nie, my uniform het gou-gou nie meer gepas nie en mense het my begin terg.”

Hy het toe ’n spesiale sitplek in sy vriend se kar ingerig en só skool toe gegaan.

“Ek sou twee beddens in ’n ry langs mekaar sit om ordentlik te slaap. Toe ek begin krieket speel het, het ek gesukkel om stewels te kry.”

Danksy sy lengte kan hy menige kolwer laat les opsê wanneer hy ’n bal teen ’n spoed van 140 km/h afvuur.

Maar die vraag is: Behoort die Proteas hul keer te ken teen dié Goliat en sy span?

Beslis, ja!, sê die oud-Protea en krieketkommentator Fanie de ­Villiers.

“Die manne gaan bontstaan en ’n paar van hulle gaan beslis bloukolle hê. Graeme Smith se pinkie word gereeld raak geboul. Hy sal versigtig moet wees, anders is hy uit die toets en ons het hom nodig.”

De Villiers sê die gevaarlikste snelboulers in wêreldkrieket boul wegswaaiers soos Dale Steyn.

“Dit is baie selde dat ’n lang ou soos Mohammad konstant ’n wegswaaier kan boul. Sy lang arms maak dit vir hom moeilik.”

AB de Villiers, onderkaptein van die Proteas, meen Irfan se lange lyf maak dit vir hom ­(Irfan) onmoontlik om sy teenstander been voor paaltjie te betrap.

Maar hy erken: “Mohammad gaan ’n handvol wees. Ons is reg vir hom.”

 Bykomende bronne: AFP en NDTV.com

Lees Rapport se kommentaar beleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 18-24°C High level clouds. Mild. Pta: 12-26°C Mostly sunny. Pleasantly warm.
Jhb: 11-20°C Mostly sunny. Mild. Bfn: 11-24°C Sunny. Mild.
Dbn: 19-28°C Afternoon clouds. Warm. PE: 17-21°C Increasing cloudiness. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!