Huise kan nie gebou word nie

2012-06-23 23:54

Ontwikkelaars én die staat is miljarde rande kwyt omdat die regering ’n konstitusionele hofbevel verontagsaam het om teen 17 Junie wetgewing te bekragtig om ontwikkelings soos goedkoop behuising en winkelsentrums te verwerk.

Alle nuwe aansoeke om ontwikkelings kan nou net ingevolge apartheidsordonnansies van die eertydse provinsies gedoen word.

Dit beteken landelike gebiede en townships in voormalige tuislande en selfregerende gebiede kan nie nuwe nedersettings met basiese dienste kry nie.

Gebiede in KwaZulu-Natal, Gauteng, Mpumalanga, Limpopo, Noordwes en die Oos-Kaap word geraak.

Dié wetgewing is onontbeerlik vir die ANC se planne vir landelike ontwikkeling wat in die komende week op die party se nasionale beleidskongres in Midrand bespreek gaan word.

Die Wetsontwerp op Ruimtelike Beplanning en Grondgebruikbestuur is Maandag in die parlement ter tafel gelê, maar ’n hofbevel om die ongrondwetlike Wet op die Fasilitering van Ontwikkelings (DFA) te vervang, het die vorige dag reeds verstryk.

“Daar is nou geen wetgewing vir ontwikkelings nie,” het adv. Ivan Pauw eergister aan Rapport gesê.

“Geen nuwe aansoeke word aanvaar nie en daar is ook onsekerheid oor hangende aansoeke. Die hof het nooit uitsluitsel gegee oor wat op 18 Junie moet gebeur nie,” het Pauw gesê.

Hy verwys na projekte in Polokwane en Ekurhuleni met 11 000 goedkoop behuisingseenhede elk wat “hangende” is.

Aansoeke wat tot R1 miljoen elk beloop, sal óf verval óf onbepaald uitgestel word.

Pauw het in April namens ontwikkelaars ’n hofaansoek ingedien om verdere uitstel vir die wetgewing te vra.

Hul aansoek is verwerp omdat die hof gemeen het die verantwoordelike staatsdepartement is genoeg tyd gegun.

Die oorspronklike hofbevel het in 2010 bepaal nuwe wetgewing moet teen 17 Junie 2012 van krag wees omdat twee hoofstukke van die DFA ongrondwetlik is.

Dié hoofstukke verwys na provinsiale tribunale as meganisme om aansoeke vir ontwikkelings te hanteer, maar die hof het gesê aansoeke moet op munisipale vlak oorweeg word.

Sunday Ogunronbi, uitvoerende bestuurder belas met grondgebruikbestuur in die nasionale departement van landelike ontwikkeling en grondhervorming, het aan Rapport gesê die provinsies kán aansoeke aanvaar.
“Dis net plek-plek waar daar nie ’n meganisme vir aansoeke is nie.”

Frandri Smith, hoofbeampte van die Suid-Afrikaanse Instituut vir Beplanners, het gesê die DFA is juis in 1995 geskryf om rompslomp uit te skakel vir die regering se heropbou-en- ontwikkelingsprogram.

“Terwyl provinsiale tribunale nie meer aansoeke mag oorweeg nie, moet relevante munisipaliteite (ingevolge ordonnansies) self aansoeke oorweeg.

“Sonder ’n wet is daar nie ’n raamwerk waarvolgens hulle dit kan doen nie én vele munisipaliteite het eenvoudig nie die vermoë nie, want daar is nie ’n stadsbeplanner of ingenieur nie,” het sy gesê.

Lees Rapport se kommentaarbeleid

Lewer kommentaar op hierdie artikel
10 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-15°C Showers late. More sun than clouds. Cool. Pta: 13-28°C Morning clouds. Pleasantly warm.
Jhb: 8-21°C Sunny. Mild. Bfn: 3-17°C Sunny. Mild.
Dbn: 17-22°C Morning clouds. Mild. PE: 12-17°C Afternoon clouds. Mild.
7-dag-voorspelling...

Betrekkinge - Vind jou droomwerk

Gedrewe? Doen Verkope

Johannesburg
UDM International (Pty) Ltd
R10 000 - R32 000 Per Month

Accountant

Randburg
Kontak Recruitment
R25 000 - R40 000 Per Month

Sales manager trainee

Durban Northern Suburbs
The Unlimited 007

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!