Jý hoes toe vir Nkandla!

2012-09-29 23:25

Verbeterings aan pres. Jacob Zuma se paleisagtige woning by Nkandla gaan die belastingbetaler meer as R200 miljoen kos.| Foto: Khaya Ngwenya

Lesersfoto’s Stuur vir ons jou foto's  ·  Stuur vir ons jou foto's

Peperduur verbeterings aan pres. Jacob Zuma se Zoeloeland-tuiste gaan die belastingbetaler ’n allemintige R203 miljoen kos, al het die regering vroeër gesê die president sou die projek uit sy eie sak finansier.

Nou blyk dit Zuma gaan minder as 5% van die kostes opdok vir die omvattende opknappings, wat ’n helikopter-landingsplek, ondergrondse behuising en omheining van die hele kompleks insluit.

Die bouwerk is tussen die begin van 2010 en November 2011 voltooi.

Die departement van openbare werke (DOW) het verlede Maart al die uiteindelike begroting vir die departement se bydrae tot die opknapwerk aan Zuma se familietuiste in Nxamalala goedgekeur. Dit was in ooreenstemming met kabinetregulasies vir die beveiliging van die staatshoof.

City Press, Rapportse susterkoerant, het dokumente gesien wat toon die DOW het teen Junie vanjaar betalings van minstens R44 miljoen gedoen vir die installering van “sekerheidsmaatreëls” by Nkandla.

Dit is onduidelik of daar reeds vir die hele projek betaal is.

Hoewel nóg die presidensie nóg die departement kommentaar wou lewer oor die projek – getiteld “Prestige Project A” – kan onthul word dat die DOW ’n bedrag van R203079 677,18 vir die opknappingswerk goedgekeur het. Zuma self dra slegs R10,6 miljoen by – kwalik 5%.

Zuma het die Nkandla-kompleks in 2000 laat bou. Gedurende die korrupsieverhoor van sy vriend Schabir Shaik het die hof gehoor geld afkoms­tig van Thales, die Franse wapenhandelaar, is gebruik vir die bou van die kompleks, wat talle grasdakhuise en personeelkwartiere insluit.

In 2009 het Mail & Guardian berig R65?miljoen sou gebruik word om die kompleks te vergroot. Dit blyk nou die koste is veel hoër.


Dié vergroting sou drie stelle ondergrondse woonkwartiere met tien lugversorgde kamers insluit, ’n kliniek vir Zuma en sy gesin, tien bogrondse huise vir veiligheidspersoneel, ’n landingsplek vir helikopters, huise vir lugmag- en polisie-eenhede, ondergrondse parkeerplek, speelterreine en ’n besoekersentrum.

Daar is ook drie niervormige huise, een met vier slaapkamers en die ander met drie elk, gebou in dieselfde styl as Zuma se oorspronklike grasdakhuis, om sy vroue te huisves.

Verlede November het Mac Maharaj, woordvoerder van die presidensie, bevestig die DOW sou vir die veiligheidsverwante geriewe betaal, maar dat Zuma vir die ander aanbouings uit sy eie sak sou betaal. Die departement het vroeër enige betrokkenheid by die projek ontken.

In ’n memorandum wat verlede jaar op 28 Maart aan Gwen Ma­hlangu-Nkabinde, afgedankte minister van openbare werke, gestuur is, sê Kenneth Khanyile, departementele streekbestuurder in Durban, hy het ’n “beplanningsinstruksie” ontvang om “veiligheidsmaatreëls in pas met kabinetregulasies by die Zuma-woning aan te bring”.

Khanyile het gesê die werk het in 2010 begin.

Die staatskoste van R203 miljoen is op ’n vergadering op 10 Maart 2011 by die hoofkantoor van die departement goedgekeur en volgens Khanyile het die eienaarsaandeel op R10 651  80,64 te staan gekom. Khanyile wou nie kommentaar lewer nie.

Zanele Mngadi, presidensiële woordvoerder, het navrae na die departement van openbare werke verwys. Mandisa Fatyela-Lindie, waarnemende direkteur-generaal van die departement, het geweier om kommentaar te lewer.

Lees Rapport se kommentaarbeleid

Lewer kommentaar op hierdie artikel
69 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-18°C Morning clouds. Mild. Pta: 11-27°C Sunny. Pleasantly warm.
Jhb: 10-22°C Sunny. Mild. Bfn: 11-26°C High level clouds. Pleasantly warm.
Dbn: 16-28°C More sun than clouds. Warm. PE: 17-26°C Showers late. a mixture of sun and clouds. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!