Jan Taks maak dit nag vir Malema

2012-09-22 23:13

Die Suid-Afrikaanse Inkomstediens (SAID) het ’n vonnis van R16 miljoen teen Julius Malema, uitgeskopte ANC-jeugligaleier, verkry.

Media24 se ondersoekspan het verneem die belastinggaarder sal op Malema se eiendomme en bates in Gauteng en Limpopo beslag lê as hy nie dié belastingvonnis betaal nie.

Malema het nie die SAID se aansoek om die vonnis in die hooggeregshof in Pretoria op ­11 September teengestaan nie.

Die SAID teiken vier eiendomme: ’n halfklaar herehuis in Sandton, ’n plaas en hoewe in Limpopo en ’n huis in Polokwane.

Malema het versoeke om kommentaar geïgnoreer.

Nicqui Galaktiou, sy prokureur, sê Malema behoort “soos alle ander inwoners van die land wie se belastingsake vertroulik is” behandel te word.

Adrian Lackey, SAID-woordvoerder, het bevestig die SAID het verlede Dinsdag ’n vonnis van R16 miljoen teen Malema verkry. Hy sê die bedrag sluit onbetaalde belasting, boetes en rente in. Lackey sê hy kan die vonnis bevestig net omdat dit in ’n ope hof verkry is.

Hy wou geen verdere besonderhede oor Malema se belastingsake gee nie.

Adv. Alan Lewis, ’n belastingwetkonsultant, sê die uitspraak dui op twee dinge: Malema “het ’n helse klomp geld” en hy is in groot moeilikheid.

Lewis, wat voorheen vir die SAID gewerk het, sê die inkomstediens sal waarskynlik die uitspraak oorhandig aan die balju van die hof wat op Malema se eiendomme en bates beslag sal lê.

Die SAID het verlede jaar begin met ’n ondersoek na Malema se belastingsake nadat dit bekend geword het die maatskappye waaraan hy verbind is, het winsgewende kontrakte van Limpopo se provinsiale regering gekry.

Miljoene rande is deur Malema se Ratanang-familietrust gekanaliseer.

Die trust besit ook aandele in die omstrede On-Point Engineering, die maatskappy wat verbind word met beweerde twyfelagtige kontrakte van die Limpopo-regering.

Media24 se ondersoekspan verneem die SAID het Malema se verbintenis met 19 maatskappye ondersoek en ’n paar van sy sakevennote is gedagvaar.

Malema het in April vanjaar ’n belastingaanslag van sowat R12 miljoen ontvang, maar dit geïgnoreer. Hy het ook geen moeite gedoen om die SAID te kontak of ’n ooreenkoms met die belastinggaarder te probeer bereik nie.

Malema het nie aangedui of hy met die aanslag verskil nie en ook nie of hy dit oorweeg om in die belastinghof daarteen te appelleer nie. Die SAID verkry ’n vonnis teen iemand indien alle weë om ’n belastingoortreder te oorreed om die onbetaalde belasting te betaal, misluk het.

“Belastingprobleme gaan nie weg nie,” sê Lewis. “Jan Taks wil sy geld hê en ek is jammer, maar daar is weinig wat mnr. Malema nou kan doen. Hy gaan R16 miljoen armer wees.”

Die SAID kan in uiterse omstandighede boetes van tot 200% hef.

Malema het nog altyd ontken dat enige geld deur sy familietrust gekanaliseer is en dat hy belasting ontduik het.

Hy het sy eerste huis in Flora Park, ’n nederige woonbuurt in Polokwane, in 2007 vir R1 miljoen gekoop. Die verband is sedertdien afbetaal. Hy het in ­Augustus verlede jaar R3,5 miljoen betaal vir ’n plaas naby ­Polokwane. ’n Deposito van R800?000 is in kontant betaal.

Hy besit ook ’n hoewe naby Palmietfontein in Limpopo waarvoor hy R900 000 kontant opgedok het.

Luidens berigte het Malema verlede jaar begin om ’n spoghuis van R16 miljoen in San­dton te bou. Hy het die erf in 2009 vir R3,6?miljoen gekoop en die ou huis gesloop om die nuwe een te kan bou.

Hy het ook sy ouma se huis in Seshego in ’n dubbelverdiepingwoning laat omskep.

Lees Rapport se kommentaarbeleid

Lewer kommentaar op hierdie artikel
6 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-25°C Sunny. Mild. Pta: 5-22°C Sunny. Mild.
Jhb: 3-17°C Sunny. Refreshingly cool. Bfn: 3-20°C Sunny. Mild.
Dbn: 10-21°C Mostly sunny. Cool. PE: 13-22°C Sunny. Mild.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!