Jonges droom, sien nuwe horisonne danksy rugbyklub

2012-07-28 23:57

Tot 120 kinders van die ouderdom van vier tot negentien jaar daag op vir oefening by Rob van Tooren se junior rugbyontwikkelingsklub in Eshowe. | Foto: Khaya Ngwenya

Lesersfoto’s Stuur vir ons jou foto's  ·  Stuur vir ons jou foto's

Bedags in Eshowe is hy Bob die Bouer. Saans is Rob van Tooren van dié KwaZulu-Natalse dorp ’n superster-rugbyafrigter.

Dié bouer het sewe jaar gelede ’n junior rugby-ontwikkelingsklub met 13 kinders begin.

Vandag het hy 120 spelers wat opdaag vir rugby-oefening, asook vier assistente wat hulle afrig vir moontlike plekke in die provinsie se top-rugbyskole.

“Ons wil nie rugbysterre van hulle maak nie,” sê Van Tooren, “ons wil hê die seuns moet kom en dit geniet. Ons wil hê kinders moet rugby speel ...

“Daar is soveel gemors daarbuite. Kinders het ’n plek nodig waar hulle daarvan kan vergeet.”

Van Tooren (39), ’n voormalige amateur-rugbyspeler, se spangroep is van vier tot negentien jaar oud. Hulle kom van sewe verskillende skole, waarvan vier in die omliggende omgewing is.

Party is arm, ander nie.

“Ons het geen kriteria nie. Ons sien nie kleur nie. Ons is nie gepla as jy nie voorheen rugby gespeel het nie. Ons wil hê die kinders moet hul horisonne verbreed en nie gekniehalter wees deur waar hulle vandaan kom nie.”

Shlenge Mazibuko (13) reis ná rugby-oefening 7?km ver om by sy huis in die Umlalazi-township uit te kom. Hy moet op ’n onbetroubare maat staatmaak vir ’n saamry-geleentheid. Dié se oupa het ’n motor.

Hy moes onlangs by sy ma pleit om te kan aanhou oefen.

“Ek wil vir die Springbokke uitdraf,” sê hy trots.

“Ek is lief vir oom Rob. Hy het ’n goeie hart. Hy wil die beste vir ons hê en dink ons kan vir die Springbokke speel.”

Een van die klub se sterre is Seun Maduna (14), wat danksy ’n rugbybeurs aan die ­Hoërskool Glenwood in Durban skoolgaan.

“Hy sal dit nog ver bring. Hy sal beslis binne vyf jaar vir die Haaie speel,” sê Van Tooren.

Maduna se twee ouer broers speel ook vir die klub.

Hul pa, Jotham Maduna, ’n voorman by ’n suikermaatskappy, sê hy sou nie sy seuns se toekomsplanne met sy salaris kon bekostig het nie.

Ander Van Tooren-suksesstories is Gert Coetzee wat ’n sportbeurs gekry het en in Durban skoolgaan, Nhlakanipho Sibiya, wat vir die provinsie se o.14-span speel, en sy eie seun, Brent, wat ook met ’n sportbeurs by Glenwood skoolgaan.

“Ek glo elke kind het potensiaal. Baie seuns wat hiernatoe kom, het geen eiewaarde nie. Niemand glo in hulle nie,” sê hy.

binne rapport

Weer
Ksd: 12-16°C Showers early. More sun than clouds. Cool. Pta: 8-20°C Sunny. Mild.
Jhb: 5-14°C Sunny. Refreshingly cool. Bfn: 0-13°C Sunny. Cool.
Dbn: 11-21°C More sun than clouds. Cool. PE: 11-17°C Morning clouds. Mild.
7-dag-voorspelling...

Betrekkinge - Vind jou droomwerk

Senior Electrical Building Serivces Engineer

Gauteng
Communicate Cape Town Engineering
R550 000 - R700 000 Per Year

CA(SA) IFRS Specialist

Gauteng
Communicate Specialist Resource
R600 000 - R700 000 Per Year

Senior Electrical Building Serivces Engineer

Gauteng
Communicate Cape Town Engineering
R600 000 - R700 000 Per Year

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!