Julius Malema se gewildheid daal
2010-08-14 22:00
- Artikelopsies
- Deel
- Kry Rapport op
Minder as 30% van volwasse Suid-Afrikaners in stedelike gebiede hou van Julius Malema, die opruiende ANC-jeugleier.
En sowat 59% van Suid-Afrikaners meen die ANC moet Malema voor stok kry.
Dít is van die bevindings in ’n onlangse meningspeiling deur TNS Research Surveys. Dié peiling is gedoen onder 2 000 respondente in sewe stedelike gebiede, kort voor die begin van die Wêreldbeker-sokkertoernooi.
Volgens TNS wys die peiling Malema se gewildheid het die afgelope sewe maande drasties afgeneem. Sy gewildheid onder swart Suid-Afrikaners wat hom – insluitend sy optrede en uitlatings – steun, het van 38% tot 30% afgeneem.
Slegs 5% van die wittes, 4% van die bruinmense en 7% van die Indiërs wat ondervra is, hou van hom. Van die mense wat Malema steun, is 25% tussen 18 en 34 jaar oud. Sy grootste steunbasis (34%) is in Gauteng, veral in Soweto.