KSA sal Majola se bedanking aanvaar ás hy bonus teruggee

2012-09-09 01:07

Gerald Majola kan vergeet van ’n goue handdruk by Krieket Suid-Afrika (KSA), maar dié beheerliggaam sal sy bedanking aanvaar – mits hy sy bonusgeld terugbetaal.

So het KSA-bronne aan Rapport gesê ná berigte dat Majola, KSA se geskorste uitvoerende hoof, sowat twee weke gelede aangebied het om uit dié pos te bedank in ruil vir twee jaar se salaris.

Majola is in Maart geskors weens die ongemagtigde bonusse van sowat R4,7 miljoen wat hy en byna 40 ander KSA-werknemers ontvang het vir die aanbieding van die Indiese Premierliga (IPL)-toernooi en die Kampioenetrofee-reeks in 2009.

’n Ondersoekkommissie onder leiding van oudregter Chris Nicholson het vroeër bevind dat Majola nie sy deel van dié bonusse – sowat R 1,8 miljoen – aan die KSA-raad of dié organisasie se vergoedingskomitee verklaar het nie.

Majola word sedertdien ’n volle maandelikse salaris betaal terwyl die Valke strafregtelike klagtes van bedrog en korrupsie teen hom ondersoek.

Rapport verneem op goeie gesag dit is nie die eerste keer dat Majola aanbied om te bedank nie.

“Sy eerste aanbod was dat KSA hom sewe jaar se salaris betaal in ruil vir sy bedanking, maar dit is baie vinnig van die hand gewys,” het een KSA-ingeligte gesê.

Volgens hom sou so ’n skikking in die omgewing van R15 miljoen beloop, aangesien Majola sowat R2,3 miljoen per jaar verdien.

Dit sal boonop beteken dat sy tugverhoor wat deur die Nicholson-kommissie gelas is, laat vaar sal word.

“KSA stel nie belang daarin om hom te betaal om te loop nie, veral nie nadat ons die afgelope tyd baie hard gewerk het om weer op die herstelpad te kom nie.”

Die liggaam het die afgelope drie maande twee reuse-borgskappe bekom onder leiding van die waarnemende uitvoerende hoof, ­Jacques Faul.

Faul het die afgelope week aangekondig dat die kommunikasiemaatskappy Blue Label Telecoms die naamregte gekoop het vir die na­sionale Twintig20-span se volgende agt wedstryde.

KSA het ook in Junie ’n ooreenkoms met die versekeringsreus Momentum gesluit. Dit beloop glo in die omgewing van R200 miljoen oor die volgende ses jaar.

Volgens nog ’n bron sal Majola se bedanking verwelkom word, sou hy sy bonus aan KSA terugbetaal.

Fikile Mbalula, die minister van sport, het reeds in April gelas dat Majola en Don McIntosh, KSA se destydse finansiële hoof, dié geld teruggee.

“Vir KSA sal dit ideaal wees as hy (Majola) die bonus terugbetaal en bedank, maar niemand verwag dat dit so maklik sal wees nie,” het die bron gesê.

“Die raad sal moontlik luister na ’n aanbod om ses tot agt maande se salaris aan hom uit te betaal sou hy bedank, maar ook net as sy bonus verhaal kan word.”

* Faul wou by navraag nie kommentaar lewer oor Majola se beweerde aanbod om te bedank nie.

“Dis in die beste belang van Suid-Afrikaanse krieket dat dié hoofstuk binnekort afgesluit word en wat my betref sal die tugverhoor vroeg aanstaande maand voortgaan,” het Faul gesê.

“Ons hoop om dit teen 11 Oktober af te handel.”

Lees Rapport se kommentaarbeleid

Lewer kommentaar op hierdie artikel
6 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-25°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 1-21°C Sunny. Mild.
Dbn: 8-22°C Morning clouds. Cool. PE: 12-25°C Sunny. Pleasantly warm.
7-dag-voorspelling...

Betrekkinge - Vind jou droomwerk

Financial Adviser

Roodepoort
Sanlam Life Insurance Ltd
R10 000 - R50 000 Per Month

Financial Adviser

Johannesburg CBD
Sanlam Life Insurance Ltd
R10 000 - R50 000 Per Month

Qualitative Research Analyst

Sandton
TMS
R8 000 - R15 000 Per Month

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!