Kerk wil gay prediker aanstel

2012-12-01 13:59

Abé Pieterse. Foto: Marzahn Botha

Lesersfoto’s Stuur vir ons jou foto's  ·  Stuur vir ons jou foto's

Gesprekke oor die legitimasie van homoseksuele teologiestudente verg verdere interkerklike gesprekke oor die onsekerheid wat oor dié kwessie bestaan. 


So het dr. Braam Hanekom, ondervoorsitter van die algemene sinode van die NG Kerk, aan Rapport gesê. 

Dit kom nadat die kurato­rium van die Verenigende Gereformeerde Kerk (VGK) Dinsdag eenparig besluit het om by die Algemene Sinodale Kommissie (ASK) aan te beveel dat Abé Pieterse, een van sy afgestudeerde gay ­teologiestudente, gelegitimeer behoort te word mits hy nie ’n homoseksuele leefstyl volg nie. 

Pieterse het twee keer vantevore om legitimasie aansoek gedoen, maar dit is elke keer weens sy selferkende homoseksualiteit afgekeur. 

Presies ’n jaar gelede het die NG Kerk ook met dié kwessie gestoei toe een van sy studente, Lulani Vermeulen, ook nie weens ’n homoseksuele verhouding gelegitimeer is nie. 

Sy het geweier om te verklaar sy sal selibaat leef ten einde legitimasie moontlik te maak. 

“As die VGK-verklaring beteken dat sy kuratorium ’n aanbeveling vir legitimasie gemaak het omdat Abé ‘nie-praktiserend’ gay is, is hul aanbeveling in ­wese presies dieselfde as die huidige NG standpunt,” het ­Hanekom by navraag gesê.

“Dit voel egter of daar tans steeds heelwat onsekerheid oor die kwessie van gay-legitimasie bestaan en dat kerke in 2013 ook met mekaar daaroor gesprek sal moet voer.” 

Dr. Charles Flaendorp, voorsitter van die VGK-kurato­rium, het gesê die VGK het geen probleem met Pieterse se seksuele oriëntasie nie. 

“Abé het ons verseker hy is nie in ’n verhouding nie. Hy is gay georiënteer, maar leef nie ’n homoseksuele leefstyl nie.” 

Volgens hom “het die VGK ’n groot stap vorentoe gegee”. 

Die kuratorium was baie positief dat Abé aan alle legitimasie-vereistes voldoen. 

Daar is geen kerkordelike bepalings wat hom keer om gelegitimeer te word nie. 

“Hy is ’n wonderlike kind van die Here met ’n ernstige roepingsbewustheid. Dis waarom ons eenparig was in ons besluit.” 

Luidens ’n verklaring van dr. Natie Philander, skriba van die VGK-kuratorium, “meen die kuratorium dat die sinodale besluite van die VGKSA hom nie uitspreek teen die legitimasie van die logiese kandidate wat ’n lesbiese of gay oriëntasie het, maar wat nie praktiserende lesbiërs of gays is nie”. 

Pieterse sê hy verstaan die aanbeveling van die kuratorium was “dat besluit is ek moet gelegitimeer word en dat daar op geen manier gediskrimineer gaan word teen enigiemand oor hul seksuele oriëntasie nie, hetsy praktiserend of nie”. 

Pieterse het sy BTh-graad in 2005, ’n MDiv in 2006 en sy lisensiaat in 2007 aan die Universiteit van Stellenbosch verwerf. 

In 2007 was hy deel van ’n uitruilprogram in Swede vir “menseregte in ’n Benede-Sahara-konteks”. In 2008 het hy as laerskool-onderwyser gewerk en in 2009 in ’n administratiewe hoedanigheid by Maties. 

“Vanjaar was moeilik, maar ek was betrokke by verskillende gemeentes, groepe en projekte.” 

Die ASK sal vroeg volgende jaar ’n finale besluit neem, het Philander gesê.

Lees Rapport se kommentaarbeleid

Lewer kommentaar op hierdie artikel
47 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-17°C Showers early. More sun than clouds. Cool. Pta: 8-20°C Sunny. Mild.
Jhb: 5-13°C Mostly sunny. Refreshingly cool. Bfn: 0-13°C Sunny. Refreshingly cool.
Dbn: 12-21°C Showers early. More sun than clouds. Refreshingly cool. PE: 12-17°C Partly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!