Kommer oor moordverdagte se toekoms

2012-09-06 10:36

KIMBERLEY. – Onsekerheid hang oor die skoolloopbaan en voortgesette onderwys van die 16-jarige seun wat vandeesweek op borgtog vrygelaat is nadat hy aangekla is van die drie moorde op die Steenkamp-gesin van Griekwastad.

Dit kom nadat die seun se skool besluit het hy moet eerder tuis onderrig word, waarvoor die voog nie te vinde is nie.

Die beplande vergadering tussen die seun se prokureur, Stoffel de Jager, en die voorsitter van die beheerliggaam gaan nou eers volgende week plaasvind.

Intussen het die seun vandeesweek by sy voog se huis op Modderrivier en op die voog se plaas by Jacobsdal deurgebring.

Die voorsitter van die beheerliggaam en De Jager sou eergister ’n telefoonkonferensie hou nadat die beheerliggaam besluit het hulle gaan die seun nie by die skool of koshuis toelaat nie en hom eerder help om tuisonderrig te doen.

De Jager sê die vergadering is uitgestel, omdat nie al die belanghebbendes teenwoordig kon wees nie.

Berry het vroeër in ’n verklaring gesê dit is nie wenslik dat die tienerseun toegelaat word tot die skool of koshuis terwyl hy verhoorafwagtend is nie.

Die seun se voog, Bennie Heckroodt, sê hy is nie te vinde vir tuisonderrig nie.

“Ons bekommer ons egter nou nie te veel daaroor nie. Ons sal die naweek ernstig besin oor wat ons te doen staan. Ek sal dalk die seun by ’n ander skool moet inskryf. Hy is reeds soveel keer ontwrig dat ons ’n deurdagte besluit hieroor moet neem.

“Nie een van ons het dié besluit van Grey verwag nie. Dit was ’n skok.

“Ons kyk net vorentoe. Intussen kuier die seun tussen my sake-onderneming en die plaas. Saans doen hy sy skoolwerk. Ek is nie seker of hy nog op datum is nadat die skoolhoof verlede week sy skoolwerk hierheen gebring het nie.”

Paul Colditz, uitvoerende hoof van die Federasie van Beheerliggame van Suid-Afrikaanse Skole (Fedsas), sê die skoolbeheerliggaam het korrek opgetree.

“Die beheerliggaam moet nie net vir die seun se veiligheid verantwoordelikheid neem nie, maar ook vir sy medeleerlinge en die personeel. Hulle moes al die partye se welsyn in ag neem en het die regte besluit geneem. Hulle verseker hom steeds van onderwys en opvoeding en het dit nie van hom ontneem nie. Sy grondwetlike regte is dus beskerm.”

Gerugte het vroeër die ronde gedoen dat die seun, wat nie meer skoolpligtig is nie, nie meer wil skoolgaan nie.

Colditz sê niemand kan die seun dwing om skool toe te gaan nie, nie eens sy ouers of voog nie.

’n Onderwyskenner meen die seun se regspan het juis die seun se begeerte om skool te gaan as ’n sterk argument in die borgtogaansoek gebruik.

“Hy kan dus nie nou sê hy wil nie meer skoolgaan nie. Die aanklagte teen hom is dat hy gesagsfigure vermoor het, net soos wat onderwysers ook is. Die beheerliggaam het dus baie versigtig opgetree.”

- Volksblad

Lees Rapport se kommentaarbeleid

Lewer kommentaar op hierdie artikel
19 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C Sunny. Mild. Pta: 10-24°C Showers late. More sun than clouds. Mild.
Jhb: 7-19°C Showers late. More sun than clouds. Mild. Bfn: 2-22°C Sunny. Mild.
Dbn: 14-20°C Partly cloudy. Cool. PE: 9-18°C Mostly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!