Koppe rol, maar nie Angie s’n

2012-08-04 23:40

Die koppe gaan rol oor die handboekskandaal, maar dit gaan nie noodwendig Angie Motshekga s’n wees nie.

Ingeligtes meen die ergste wat die minister van basiese onderwys kan oorkom is dat pres. Jacob Zuma haar na ’n ander portefeulje skuif.

“Almal in die regerende alliansie voel koppe moet rol. Maar daar is simpatie vir Angie en dit hou nie net verband met Mangaung nie,” het ’n senior leier aan Rapport gesê.

Motshekga het as president van die ANC-vroueliga aansienlike invloed in die party om steun vir Zuma te werf om in Desember in Mangaung tot ANC-leier herkies te word. Sy het ook invloed in Gauteng, ’n provinsie wat hom daarvoor beywer om Zuma te ontsetel.

Die politieke ontleders Aubrey Matshiqi en prof. André Duven­hage van die Noordwes-Universiteit meen Zuma sal dus versigtig wees om Motshekga in die pad te steek. “Ek vermoed daar kan binnekort weens minister Nkosazana Dlamini-Zuma se skuif na die Afrika-Unie ’n kabinetskommeling volg waar Zuma kan besluit om Mo­tshekga na ’n ander portefeulje oor te plaas,” het Duvenhage gesê.

’n Ingeligte wat by verlede naweek se ANC-lekgotla was, sê almal besef “die handboekskandaal maak die ANC seer, maar dis vir seker nie ’n uitgemaakte saak dat Angie afgedank gaan word nie”.

Daar is heelwat vrae oor die rol van Limpopo se provinsiale regeringsleiers in die sage en dié van Bobby Soobrayan, direkteur-generaal van basiese onderwys.

“Hoekom net vir Angie teiken en nie ook húlle nie?” het hy gevra.

Intussen staan die ANC-vroue­liga, Raad van Onderwysministers en onderwysvakbonde bankvas agter Motshekga te midde van die ANC-jeugliga, die studente-organisasie Cosas en die burgerlike samelewing se eis dat Motshekga moet loop.

Sadou en die Suid-Afrikaanse Onderwysersunie (SAOU) sê Cassel Mathale, Limpopo se premier, en sy LUR vir onderwys moet eerder pa staan vir die gemors – ’n eis wat Mathale se woordvoerder as “onregverdig” bestempel het.

Chris Klopper, uitvoerende hoof van die SAOU, en Thobile Ntola, Sadou se president, meen die skuldiges “is in Limpopo” en dat die oplossing nie is om Motshekga af te dank nie.

Die SAKP steun dié mening en pak die skuld op die “diep gewortelde tenderstelsel”.

“Hoekom moet kontrakteurs handboeke publiseer en versprei? Hoekom kan die regering dit nie self doen nie?” het Malesela Maleka, SAKP-woordvoerder, gevra.

Intussen wag Zuma en die ANC op drie taakspanne om die skuldiges te identifiseer.

Volgens Keith Khoza, ANC-woordvoerder, het die regerende party nooit Motshekga se kop geëis nie. “Ons wag vir die uitslag voordat ons besluit wie skuldig is.”

Maar Paul Colditz, uitvoerende hoof van die Federasie van Beheerliggame van Suid-Afrikaanse Skole, meen dit sal op ’n simboliese vlak ’n “uitstekende gebaar” wees as Motshekga bedank of afgedank word.

Lees Rapport se kommentaarbeleid

Lewer kommentaar op hierdie artikel
33 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C High level clouds. Cool. Pta: 2-20°C Sunny. Mild.
Jhb: 2-14°C Sunny. Refreshingly cool. Bfn: -2-15°C Sunny. Refreshingly cool.
Dbn: 7-22°C Sunny. Mild. PE: 12-17°C More sun than clouds. Mild.
7-dag-voorspelling...

Betrekkinge - Vind jou droomwerk

Productivity Assistant

East Rand
Disp Staffing cc
R6 000 Per Month

Regional Head KZN Business - Pietermaritzburg

Pietermaritzburg
Only the best Durban
R900 000 - R1 000 000 Per Year

Claims Consultant

Cape Town CBD
Human Communications (Pty) Ltd
R15 000 - R17 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!