Kotie wys wat in haar broek steek
2009-10-03 22:20
- Artikelopsies
- Deel
- Kry Rapport op
Sy is ’n afgetrede operasangeres, maar sy het ’n vuiler bek as Fokofpolisiekar.
En hoewel sy nog bitter is daaroor dat Min Shaw haar om die hoofrol in Hoor my lied uitgestof het, sing sy deesdae self die Heideliedin kroeë.
Party mense sal nog kopkrap oor hoe dit gebeur het, maar tannie Kotie de Villiers, ’n 68-jarige vrou van statuur (“Ek praat graag op oggendtees met dames”), het sonder ’n begroting, sonder ’n bemarkingspan en sonder enige skaamte op die pas afgelope Aardklop-kunstefees ontpop as Potchefstroom se belowendste en waarskynlik mees omstrede sanger.
Met?liedjies?soos?Pantser jou lelie en Skraap jou uterus (Kotie sing graag oor geslagshigiëne sedert sy jare gelede ’n artikel daaroor in Sarie gelees het) het sy ’n klein, maar snel groeiende groep avant-gardiste na die Rivercafé op Potchefstroom begin lok?met haar ginekologies-geïnspireerde repertoire. Skraap jou uterus sing sy op ’n deuntjie wat deur Saai die waatlemoen geïnspireer is.
Haar een lied lui: “Saaier saai jou saad / saai jou saad / nege maande later / daar breek die water.”
Kotie is ’n vrou van teenstrydighede. Vrydagaand het sy die lang note van ’n Italiaanse aria oor die Potchefstroomse dam laat draal, maar Blaas die pampoenstingel is ook in haar repertoire.
Dié is geskryf nadat iemand op haar webruimte (www.kotie.co.za), waar sy aan vroue ginekologiese raad gee, raad gevra het wat eerder aan ’n uroloog gerig moes wees.
Sy het ook die afgelope week op Facebook en Twitter gedebuteer. Op laasgenoemde maak sy opmerkings oor ongemaklike ingroeihare. Binne ure is sy oorval deur belangstellendes wat haar op die internet wil volg. Nou dink sy aan ’n CD en ’n toer saam met haar begeleier, Krotoa Olwage.
Mnr. Pierre le Grange, Kotie se skepper, vertel mense besef nie altyd dat iemand anders onder Kotie se rok en grimering skuil nie.
“Mense het al van Thabazimbi gebel om te vra of Kotie by ’n oggendtee sal kom praat. Toe vind ons uit die geleentheid is ’n geldinsameling vir ’n evangelisasie-uitreikingsprojek. Toe moet ek ’n skoner teks skryf wat sy in mak omstandighede kan gebruik.”
- Rapport