Kyk wie's terug!

2012-12-16 01:28

Glenda met haar luislang Oupa in die 1970's.

Lesersfoto’s Stuur vir ons jou foto's  ·  Stuur vir ons jou foto's

40 jaar gelede het die ontkleedanseres Glenda Kemp se naakte gewriemelry op rookgevulde verhoë en by private partytjies die land aan die praat gehad.

Sy was net 25 jaar oud toe Rapport dié oud-hoofmeisie van Swartruggens in 1973 as sy nuusmaker van die jaar aangewys het.

Soveel dekades later het herinneringe van haar wilde lewe gister opgekom by die 63-jarige Kemp-Harper, nou in haar tweede huwelik, wat met Rapport gesels het oor haar outobiografie, Glenda Kemp – Snake Dancer.

Dit het pas verskyn.

Sy was in die PheZulu-Safaripark buite Durban weer in die “geselskap” van dié rekwisiet wat haar beroemd-berug gemaak het: ’n luislang. Oupa, haar destydse dansmaat, was amper so bekend soos sy.

Sy het aan die begin van haar ontkleedansjare in Hillbrow die sware slang (daar was ’n hele paar, almal Oupa genoem) in ’n stootwaentjie klubs toe gestoot.

Nou het slange vir Glenda ’n heeltemal ander, godsdienstige, betekenis.

Dis die simbool van haar Christenskap wat sy elke dag uitleef.

“Moses het die slang in die woestyn hoog op ’n paal gesit; so moet die Seun van die mens verhoog word sodat elkeen wat in Hom glo die ewige lewe kan hê,” haal sy Johannes 3:14-15 aan in haar outobiografie.

“Rapport het my so te sê gemaak,” sê sy oor haar besluit om dit eerste aan Rapport beskikbaar te stel.

Glenda het soveel geld gemaak – soms vyf vertonings per aand in die Kerstyd – dat sy haar eerste huis in Parkmore, Sandton, kontant kon koop.

Dié geld het sy in ’n “beskuitblik” gespaar, skryf sy.

Sy het die inhoud op die oorblufte eiendomsagent se tafel leeggemaak.

“Die hele bedrag in kontant, die note was aan mekaar gebind met duisende rekkies.”

Haar kinderjare was hel.

Sy is as jong tiener deur haar stiefpa gemolesteer en het drie jaar in ’n weeshuis in Potchefstroom deurgebring.

Dáár is sy “gered” deur “oom en tannie Baumbach” wat haar in pleegsorg geneem het in Swartruggens.

Hier het sy tydens haar hoërskooljare geblom.

As student aan die “uiters konserwatiewe” Goudstadse Onderwyserskollege het sy van die Here afgedwaal, skryf Glenda.

Sy het bedags klas geloop en saans in die geheim gedans. Haar eerste werk was in ’n Hillbrowse bordeel, waar sy tussen optredes deur aan haar Bybelstudie-projekte vir die onderwyserskollege gewerk het.

Die baas van die bordeel was uiters beskermend teenoor haar.

“Dít was die patroon van my hele tien jaar lange dans- en ontkleedans-loopbaan... God het altyd iemand daar geplaas om my te beskerm in elke situasie.”

Op 29-jarige ouderdom het Dirk de Villiers ’n rolprent oor haar lewe gemaak.

Dit het misluk omdat dit te “mak” was vir Suid-Afrikaanse gehore, sê sy.

Glenda het een kind, Kim, gebore uit haar eerste huwelik met Karl Kocawara.

Sy wy omtrent die laaste derde van die boek aan haar Christenskap en haar betrokkenheid by die Bluff Chris­tian Academy en Bluff Methodist Youth Group in Durban.

Sy is betrokke by Bybelstudie en sekere Sondae bid sy vir mense wat dit vra.

Haar boek is te koop by Kindle en Amazon.

In die jare sewentig het Glenda Kemp het die bladsye van Rapport gereeld gehaal.

“Ag nee, sies, Glenda,” was die opskrif van een van die die eerste berigte oor haar, op die agterblad, op 16 September 1972.

“Swartruggens, ’n rustige Wes-Transvaalse dorpie, was geskok en verslae. Een van sy belowendste dogters, die blou-oog Sondagskool-onderwyseres en voomalige hoofmeisie het ‘afgedwaal’ en ’n ontkleedanseres geword.

“Sy is Glenda Kemp, alias Natasha, die slangmeisie van Johannesburg, wat haar klere in die buurstate uittrek en in Johannesburg net in ‘n deurtrekkertjie en sterretjies met ‘n yslike slang wriemeldans.”

En op 19 November 1972, ’n voorbladberig: “So iets het Randburg nog nooit getref nie! Glenda Kemp, het Vrydagaand haar kaal uitgetrek voor ’n gehoor van uitgesoeke Afrikaanse sakemanne en hul vroue.

“Van die mans het haar borste met olie besmeer. Teen die einde van die vertoning was van die manne rasend.”



Glenda Kemp soos sy vandag lyk. | Foto: Jonathan Burton

Lees Rapport se kommentaarbeleid

Lewer kommentaar op hierdie artikel
110 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-14°C Numerous showers. More sun than clouds. Cool. Pta: 7-27°C Sunny. Pleasantly warm.
Jhb: 9-21°C Sunny. Mild. Bfn: 4-15°C Sunny. Refreshingly cool.
Dbn: 12-23°C Partly cloudy. Mild. PE: 9-19°C Showery. More clouds than sun. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!