‘Laat my met rus,’ sê vrou ná pikkewyn-mis

2012-10-07 00:19

Barbara Wallers kla die pikkewyne neem oor op Stony Point. | Foto: Nasief ­Manie

Lesersfoto’s Stuur vir ons jou foto's  ·  Stuur vir ons jou foto's

Die pikkewyn wat haar slaapkamer bemors het, was die laaste druppel wat die emmer vir Barbara Wallers van Stony Point in Bettysbaai in die Wes-Kaap laat oorloop het.

“Ek het die pikkewyn met ’n vlieëplak geslaan en uit die huis probeer jaag, maar dit was net pikkewynpoef oral.”

Wallers woon sedert 1947 in Stony Point en sê sy kan die pikkewyne se geraas en stank nie meer verduur nie.

“Ek het saans tot 100 pikkewyne op my grasperk.

“Nie net word die tuine verniel nie, die geraas wat hulle maak is snags so erg dat ek nie kan slaap nie.

“Boonop is die diere ’n gesondheidsrisiko. Ek het permanent sinus.”

Nie al die inwoners stem saam nie.

Rulay Oncker is die toesighouer van die Stony Point-pikkewynkolonie van die Overstrand-munisipaliteit.

“Jy hoef net na die pikkewyne te kyk, dan is jou dag sommer weer reg.

“Sommige het selfs name, soos Mad Max, Maximus en Jewels.

“En die mens kan soveel by die pikkewyne leer. Hulle cheat nooit op hul maat nie.

“Bring ’n bietjie van ons bekende mense hierheen...

“Die broeikolonie is al van 1982 af hier. Toe was ons die kleinste in die land.

“Vandag het ons 4 000 Afrika-pikkewyne op Stony Point wat dit die tweede grootste kolonie in Suid-Afrika maak.”

Sy sê die huiseienaars het gewéét van die kolonie toe hulle destyds hul eiendom gekoop het.

Tot 1 000 besoekers per dag loop op dae soos Kersfees en vakansiedae deur die kolonie om die pikkewyne van nader te beskou.

“Die Here gee die pikkewyne vir ons. Ek sien ons mense in hulle.

“Dis boonop pikkewyn se land dié,” sê Nella Marais van Vredenburg wat na die pikkewyne op Bettysbaai kom kyk het.

Vir Cuan McGeorge van Kaapse Natuurbewaring gaan dit alles oor die groter prentjie.

“Die mens het die pikkewyn al hoe meer uit sy natuurlike omgewing verjaag.

“Ons moet na hulle kyk en hulle bewaar,” sê hy.

Een van die inwoners wat naby aan Wallers bly, sê daar is tans ’n broeipaar onder die houttrappe van haar stoep.

“Ek probeer vir hulle ’n vibe stuur dat hulle welkom is,” sê Hermien de Vos.

“Pikkewyne stink g’n, hulle ruik na die see. En in die aand is dit ’n wonderlike gesig om hulle so vry in die natuur te kan sien.”

Neville Green van die Overstrand-munisipaliteit sê die gebied waarop die broeikolonie geleë is, is gesoneer as ’n natuurreservaat.

Volgens hom loop die pikkewyne op die nabygeleë woonerwe rond weens ’n heining wat te kort is.

Dié heining gaan nou in November en Desember onder die toesig van Kaapse Natuurbewaring verleng word.

Die Dyer-eiland-bewaringstrust het ook 150 mensgemaakte neste geskenk om pikkewyne te akkommodeer wat uit die erwe verwyder word.

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-17°C Morning clouds. Mild. Pta: 12-28°C Morning clouds. Pleasantly warm.
Jhb: 11-22°C Morning clouds. Mild. Bfn: 14-25°C More sun than clouds. Pleasantly warm.
Dbn: 17-27°C More sun than clouds. Warm. PE: 14-20°C Numerous showers. Mostly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!