Lewenslank vir verkragtings

2012-07-19 14:52

Twee mans is Donderdag elk agt lewenslange vonnisse opgelê weens die verkragting van twee ambulansvroue terwyl hulle gewerk het.

Die vonnisse sal samelopend uitgedien word.

Richard Tshifhiwa Luruli (29) en Michael Khorombi (30) is ook elk vir 35 jaar tronk toe gestuur vir roof en ander sekaanklagte - dié vonnisse word afsonderdlik uitgedien.

Een van die vroue het vroeër in die verhoor getuig haar huwelik is tot niet omdat haar man nie haar verkragting kan verwerk nie en sy self sien nie eens meer kans om alleen saam met ’n pasiënt in ’n ambulans te wees nie.

Sy en ’n kollega is  in Maart 2010 by ’n myndorpie by Roodepoort uit hul ambulans geruk en verkrag.

Dié ma van vyf, ’n paramedikus van die Roodepoort-brandweerstasie, het  getuig sy sal nooit die gebeure van daardie aand vergeet nie.

“Ek is ’n getroude vrou, maar ek gaan nou deur ’n egskeiding omdat my man sê dat hy dit nie kan verwerk dat ek by ander mans was nie,” het die vrou getuig.

Sy het net een keer in die getuiebank ’n traan afgevee terwyl sy in besonderhede getuig het oor die voorval by die Durban Deep-myndorpie toe sy en die kollega op ’n noodoproep gereageer het om ’n 18 maande oue seuntjie te gaan help wat met kookwater gebrand het.

Mnr. Zacaria Mwando, die buurman van die kind se ma, het vroeër die dag getuig hoe die paramedici besig was om die baba se wonde te behandel toe hulle skielik ’n gewapende man by die ambulansdeur sien staan het.

Mwando het gesê dié man en twee makkers het hom, die baba se oom en die twee ambulansvroue se selfone en geld geroof.

“Die mans het daarna die twee vroue uit die ambulans geruk en ons gewaarsku om in die ambulans te bly.”

Die vrou het die vorige dag getuig sy en haar kollega is met voetpaadjies langs na ’n afgeleë veld gelei waar hulle beveel is om hul klere uit te trek en om verskeie seks­dade met die mans te verrig.

“Die gewapende man het vir ons gesê: Ek het gesê julle gaan vandag verkrag word. Op straat sal julle ons nie groet nie. Julle sal nie eens antwoord as ons julle vra om te trou nie, maar vandag is dit ons wat julle verkrag.”

Sy het getuig ’n man wat verbygestap het, is deur die aanvallers nader geruk, aangerand en gedwing om haar ook te verkrag.

“Hy het net gemaak of hy my verkrag en in my oor gefluister dat ek moet saamspeel,” het die ambulansvrou gesê.

Nadat sy verskeie kere deur van die drie mans verkrag is, is hulle (sy, haar kollega en die verbyganger) skielik aangesê om hul klere aan te trek en in ’n sekere rigting te begin hardloop.

Hulle het ná ’n ruk op Hoofrifweg en ’n polisievoertuig afgekom.

Hulle is daarna deur dokters in die Flora-kliniek ondersoek.

“Ek het al my vertroue in my werk en die gemeenskap verloor. Voor die voorval sou ek enige tyd in die ambulans klim en selfs ná middernag na tonele gaan om mense te help.

Vandag is ek te bang om alleen saam met pasiënte in die ambulans te wees.”

Mnr.  Tshifhiwa Luruli en Khorombi (30) het  skuld ontken op altesaam 15 aanklagte. -- BEELD

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 13-19°C Sunny. Mild. Pta: 5-22°C Sunny. Mild.
Jhb: 5-17°C Sunny. Mild. Bfn: 0-21°C Sunny. Mild.
Dbn: 10-23°C More sun than clouds. Mild. PE: 14-17°C More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!