Malariapil al in 2013 getoets

2012-09-01 23:54

Die navorsers prof. Kelly Chibale, dr. Leslie J. Street en dr. Richard Gordon in die laboratorium by Ikeys waar die grootste deel van die MMV390048-navorsing gedoen is. | Foto: Michael Hammond

Lesersfoto’s Stuur vir ons jou foto's  ·  Stuur vir ons jou foto's

Die “super-pil” wat ná talle kliniese toetse verder ontwikkel gaan word om malaria te genees, is baanbrekersnavorsing – deur Afrika, vir Afrika.

So meen prof. Kelly Chibale, hoof van ’n span navorsers aan die Universiteit van Kaapstad (UK) wie se werk die doodsteek vir dié siekte kan wees.

Drie jaar se proefnemings op rotte en honde in Ikeys se Drug Discovery & Development Research Centre (H3-D), in samewerking met Medicines for Malaria Venture (MMV) in Switserland het die navorsingsgroep van 12 gebring by ’n volgende mylpaal: Om in 2013 met kliniese toetse op mense te begin.

Op grond van die aanvank­like suksesresultate is die middel, wat die MMV390048-molekuul genoem word, deur MMV gekies vir verdere ontwikkeling.

Chibale en Naledi Pandor, minister van wetenskap en tegnologie, het vroeër die afgelope week die ontwikkeling aangekondig van dié enkeldosis-malariageneesmiddel wat ook die oordrag van die malariaparasiet tussen mense keer.

So ’n enkeldosis – in teenstelling met toedieningsreekse – sal dit vir lyers makliker maak om te gebruik. ’n Weerstandigheid is al in groot mate teen ander malariamiddels opgebou omdat lyers hul medikasiereeks-toediening onderbreek.

Die nuwe middel het die potensiaal om dié siekte, wat van Afrika se grootste gesondheids- en ekonomiese krisisse veroorsaak, heeltemal uit te wis, het Chibale Vrydag aan Rapport gesê.

Volgens hom sterf sowat 800?000 mense jaarliks in Afrika aan malaria, van wie 90% kinders onder vyf is.

Dis veral in arm, landelike gebiede waar daar min weerstand is waar die parasiet deur die muskietwyfie oorgedra word.

“Miljoene mense word voortdurend besmet. Mense dink malaria is ’n siekte wat jy een keer in ’n leeftyd opdoen, maar in sekere dele van Afrika het volwassenes van so 40 jaar oud al tot 27 keer malaria gekry.

“Daar is Afrikane wat dit vyf tot ses keer per jaar kry,” sê dr. Richard Gordon van die Technology Innovation Agency.

Die doelwit is om teen 2015 wêreldwyd sterftes weens malaria te beëindig.

“Malaria is ’n brutale, robuuste siekte wat die rooibloedselle aanval.

“Daar is mense wat, sonder behandeling, binne ’n dag daaraan sterf. Jy sweet, jy’s moeg, swak en koorsig,” sê Chibale.

Drie jaar se geleidelike sifting om die molekule uit te wys wat die malariaparasiet kan doodmaak, is gevolg deur herhaalde bevestigingseksperimente.

“Ons moes ’n dier doelbewus besmet, daarna die middel toedien en toe toesien dat dit veilig deur die bloedstroom gaan en die dier genees,” volgens Gordon.

Dr. Leslie J. Street, hoof van mediese chemie en hoofnavorsingsbeampte by Ikeys, sê faktore wat in ag geneem moes word is die koste vir pasiënte, kardiovaskulêre risiko’s, oplosbaarheid, toediening oraal of per inspuiting, asook die risiko om dié middel saam met MIV- en tering-teenmiddels te gebruik.

“Die uiteindelike opwinding was dat ons vasgestel het één tablet sal genoeg wees.”

Volgens Chibale is die werk “baanbrekersnavorsing”.

Lees Rapport se kommentaarbeleid

Lewer kommentaar op hierdie artikel
4 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 1-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Site Engineer: 2 Year Position

Vereeniging
Network Engineering Menlyn
R240 000+ Per Year

Senior Project Engineer

Sandton
Network Engineering Menlyn
R500 000 - R700 000 Per Year

Applications Maintenance and Support Engineer

Centurion
Network IT Bruma
R300 000 - R360 000 Per Year

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!