Malema in taks-knyptang oor R16 miljoen

2013-01-12 23:52

Julius Malema op sy plaas buite Polokwane in Limpopo wat deur die batebeslagleggingseenheid in beslag geneem kan word. | Foto: Lucky Nxumalo

Lesersfoto’s Stuur vir ons jou foto's  ·  Stuur vir ons jou foto's

Bankrotskap staar die eens magtige Julius Malema in die gesig in sy stryd teen die Suid-Afrikaanse Inkomstediens (SAID) en sy vriende en vennote het hom in hul hordes versaak.

In ’n eksklusiewe onderhoud met Rapport het Malema, indertyd so invloedryk dat presidente na hom gevry het en so gevrees dat boere hof toe is om sy hatige uitsprake te stuit, die afgelope week vertel hoe hy as ’n “melaatse” verwerp is deur mense wat tot onlangs nog sy bondgenote was.

Rapport het by twee onberispelike bronne verneem Lesiba Gwangwa, ’n sakeman van Limpopo en Malema se mede-beskuldigde, werk ten volle met die SAID saam en is “in gesprek” met die nasionale vervolgingsgesag (NVG) in hul ondersoek na en vervolging van Malema.

Gwangwa het die afgelope week ontken dat hy ’n staatsgetuie geword het.

Malema, Gwangwa en drie van hul sakevennote staan in Polokwane tereg op aanklagte wat wissel van geldwassery en rampokkery tot bedrog en korrupsie wat spruit uit die toekenning van tenders deur die Limpopo-regering.

Malema word daarvan beskuldig dat hy sy politieke invloed gebruik het om openbare kontrakte deur middel van ’n reeks maatskappye te bekom.

’n Infrastruktuur-kontrak van R52 miljoen vorm die kern van die saak teen hom.

Rapport het in September verlede jaar berig die SAID het ’n hofbevel van R16 miljoen teen Malema bekom weens agterstallige belasting en boetes.

Malema het nou verantwoordelikheid vir sy belastingrekening aanvaar, maar het deur sy prokureurs die SAID laat weet dat dit nooit sy bedoeling was om belasting te ontduik nie.

Rapport verneem Malema is bereid om minder as R4 miljoen aan die SAID te betaal om sy belastingrekening te delg.

Malema het die afgelope week gesê sy privaatheid as ’n belastingbetaler moet gerespekteer word, maar bevestig dat hy en die SAID die saak probeer beredder.

Onderhandelings met die SAID is in ’n “baie sensitiewe stadium”, maar hulle is besig om “mekaar te vind”, sê Malema.

Die SAID moet Malema nog inlig oor sy besluit oor die aanbod, maar Rapport verneem die belastinggaarder is nie geneë om minder as die volle R16 miljoen te verhaal nie.

Malema sou moontlik die skuld in paaiemente aan die SAID kon betaal, maar dit sal vereis dat hy ’n volle bekentenis maak en alle vereiste inligting aan die belastinggaarder verskaf.

Dít kan rampspoedige gevolge vir hom in sy strafsaak inhou.

As hy dan nie sy belastingrekening kan betaal nie, sal daar op sy bates beslag gelê word en kan hy bankrot verklaar word.

Malema sê hy het sy volle inkomste verklaar.

“Daar is nie ’n sent afkomstig van dwelms of die onderwêreld nie. My lewe is ’n oop boek.”

Gwangwa was self die teiken van ’n ondersoek van die SAID nadat hy glo versuim het om belasting van miljoene te betaal.

Gwangwa het verlede jaar ’n hooggeregshof-aansoek ingedien om ’n belasting-ondersoek na 18 van sy maatskappye te keer.

Malema se familietrust het ’n aandeel in sommige van dié maatskappye gehad.

Hy het later sy aansoek teruggetrek en die ondersoek het voortgegaan.

Gwangwa het ten sterkte ontken hy word ’n staatsgetuie.

“Ek weet niks van so iets af nie,” het hy gesê.

“As die NVG ’n taak het om te verrig, moet hulle dit sonder my doen.”

Adrian Lackey, ’n SAID-woordvoerder, het gesê die belastinggaarder mag nie kommentaar lewer oor die sake van enige belastingbetaler nie.

Lees Rapport se kommentaarbeleid

Lewer kommentaar op hierdie artikel
111 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-25°C Sunny. Mild. Pta: 5-22°C Sunny. Mild.
Jhb: 3-17°C Sunny. Refreshingly cool. Bfn: 3-20°C Sunny. Mild.
Dbn: 10-21°C Mostly sunny. Cool. PE: 13-22°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!