Man van Kaapstad verdwyn van jag op eilandvaart

2012-07-21 23:52

Stefan Pokorny (36) van Oostenryk.

Lesersfoto’s Stuur vir ons jou foto's  ·  Stuur vir ons jou foto's

Die seilmaat van ’n gewese Kapenaar wat tydens ’n stormagtige vaart oor die Suid-Indiese Oseaan spoorloos verdwyn het, is in hegtenis geneem nadat hy alleen by hul bestemming op ’n eilandjie naby die Seychelle aangekom het.

Sean Terry (48), wat ’n Suid-Afrikaanse en ’n Britse paspoort het en oorspronklik van die Kaap is, maar die laaste ruk in Brittanje gewoon het, was glo op die laaste skof van sy vaart om die wêreld op die seiljag Finnegan. Hy is deur Stefan Pokorny (36), ’n Oostenryker, vergesel.

Die twee het op 13 Mei van die Maledive na die ­Chagos-eilande geseil.

Op 14?Junie het hulle hiervandaan na Madagaskar vertrek, maar 11 dae later het Pokorny doodmoeg en stoksielalleen op die eiland Coëtivy, ’n suidelike eiland van die Seychelle, aangekom.

Nou hang daar vrae oor hoe Terry van die seiljag af verdwyn het – vrae wat Pokorny vandeesmaand sal moet beantwoord wanneer hy in die hof op dié eilandstaat verskyn.

Pokorny het Terry as vermis by die polisie aangemeld, maar is onmiddellik in hegtenis geneem en 14 dae lank aangehou terwyl ’n ondersoek gedoen is.

Volgens die Seychellese koerant ­Today moet Pokorny op 31 Julie weer in die hof verskyn.

Die kantoor van Jean Taussaint, die Seychellese polisiewoordvoerder, wou by navraag nie duidelikheid oor die klagte teen Pokorny verskaf nie, maar Rapport verneem hy het glo gesê Terry het tydens ’n storm op see oorboord geval.

Dit is ook onbekend of Pokorny tydens die storm die noodbaken aan boord geaktiveer het.

Die toestel stuur ’n sein na die seereddingskoördineringsentrum sodat ’n soektog van stapel gestuur kan word.

Terry se familie het eers op 11 Julie van sy verdwyning gehoor, waarna nuus soos ’n veldbrand deur die seiljag-gemeenskap getrek het.

Die afgelope Maandag is reg om die wêreld om 21:30 (Suid-Afrikaanse tyd) kerse opgesteek as ’n “baken huis toe”.

Robin Philip, Terry se swaer, het Woensdag inderhaas uit Kaapstad na Victoria in die Seychelle vertrek, terwyl die familie die Facebookgroep “Sean Terry – Missing skipper of Yacht Finnegan” ge- stig het in die hoop op meer inligting.

Op dié blad sê hulle daar is meer vrae as antwoorde.

“Dit is ’n verskriklike situasie vir ons en uiters frustrerend.”

’n Italiaanse seiljag, die Alice,het glo saam met die Finnegan van die Chagos-eilande gevaar en die kaptein, ene Antonio, het koördinate aan die familie verskaf van die plek waar hulle die vaartuig die laaste keer gesien het.

’n Seilvaart-vriend van Terry, ­Dieter Dongphrajan van Thailand, sê Pokorny was “nie ’n ervare seilvaarder nie, maar ’n goeie bemanningslid en gretig om te leer. Daarom het hy by Terry op die vaart aangesluit.”

Dongphrajan het ook by Antonio verneem die Finnegan is deur ’n hewige storm getref dae nadat die Finnegan en die Alice saam uit Chagos vertrek het.

Die storm het veroorsaak dat die twee jagte radiokontak met mekaar verloor het.

Antonio vermoed glo “geen misdaad nie”, want Terry en Pokorny het op Chagos “in harmonie geleef”.

Judith Middleton, ’n familie-woordvoerder in Kaapstad, sê die Seychellese polisie, asook die Britse hoë kommissaris, wag nog op verdere inligting en bewyse terwyl die ondersoek voortduur.

Suid-Afrika se departement van internasionale betrekkinge en samewerking het teen druktyd nie kommentaar gelewer nie.

Lees Rapport se kommentaarbeleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-15°C Rain showers. Decreasing cloudiness. Cool. Pta: 12-27°C High level clouds. Pleasantly warm.
Jhb: 11-22°C High level clouds. Mild. Bfn: 6-16°C Morning clouds. Refreshingly cool.
Dbn: 17-22°C Showery. Mostly cloudy. Cool. PE: 8-19°C More sun than clouds. Mild.
7-dag-voorspelling...

Betrekkinge - Vind jou droomwerk

.Net Developer

Cape Town
Communicate Cape Town IT
R25 000 - R35 000 Per Month

Professional Quantity Surveyor

Durban
Hi-Tech Recruitment - Johannesburg
R25 000 - R30 000 Per Month

Production Manager Wire

East Rand
Nobuntu Recruitment (Pty) Ltd

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!