Marikana: ‘Beeldmateriaal wys marteling’

Veiligheidskameras by die Marikana-myn het glo grusame tonele vasgevang van twee veiligheidswagte wat deur stakende mynwerkers gemartel en vermoor word.

Die twee wagte is verlede Sondag vermoor, twee dae nadat die onwettige staking by die platinumreus Lonmin se myn naby Rustenburg begin het.

’n Bron wat anoniem wil bly het die beeldmateriaal van die wagte se dood glo gesien en Rapport gister hieroor genader.

Volgens die bron, wat op die mynperseel werk, wys die beelde hoe die wagte se kakebene met messe afgesny word voordat hulle aan die brand gesteek is. Hul voete is ook glo vasgebind.

“Dit was vreeslik. Ek het albei die wagte op die foto’s (wat van die beeldmateriaal gemaak is) gesien. Hulle is so erg gemartel. As jy daardie foto’s sien, sal jy verstaan hoekom die polisie moes optree. Dit is onbeskryflik wreed.”

Sue Vey, ’n Lonmin-woordvoerder, het gister gesê Lonmin se bestuur is nie bewus van enige beeldmateriaal wat wys hoe die wagte vermoor word nie.

“Ons doen ’n beroep dat die familie en vriende van die oorledenes in ag geneem word wanneer die persoon besluit wat om