Mark Boucher verloor dalk ’n deel van sy sig

2012-07-15 00:01

Lesersfoto’s Stuur vir ons jou foto's  ·  Stuur vir ons jou foto's

Mark Boucher gaan waarskynlik ’n deel van sy sig verloor en daarom is dit onwaarskynlik dat dié wêreldrekordhouer-paaltjiewagter weer énige krieket sal speel.

Boucher (35) het die afgelope week sy uittrede uit internasionale krieket aangekondig ná ’n fratsongeluk in ’n oefenwedstryd tussen die Proteas en Somerset in Taunton, Brittanje, verlede naweek.

’n Dwarsbalkie het hom in die linkeroog getref toe die Protea-draaibouler Imran Tahir vir Gemaal Hussain, een van Somerset se kolwers, skoongeboul het.

Hoewel dié Oos-Kapenaar ’n noodoperasie moes ondergaan, het hy reeds die hoop uitgespreek dat hy in die toekoms weer eersterangse krieket sal kan speel.

Boucher, wat Suid-Afrika in 146 toetse, 295 eendagwedstryde en 25 Twintig20-wedstryde verteenwoordig het en die wêreldrekord hou vir die meeste slagoffers in internasionale krieket (999), het Woensdag na die land teruggekeer.

Die Proteas pak die Engelse van volgende week af in ’n toetsreeks om die eerste plek op die Internasionale Krieketraad (IKR) se wêreldranglys.

Volgens dr. Mohammed Moo­sajee, die Proteas se spandokter, het Boucher Donderdag een van die voorste oogspesialiste in die land gespreek.

“Hoewel die operasie ’n sukses was, kon die spesialis steeds nie presies vasstel wat die erns van die skade aan sy oog is nie,” het Moosajee aan Rapport gesê.

“Hy het Dinsdag (oormôre) weer ’n afspraak, waartydens ’n sonar-ondersoek gedoen sal word.

“Hopelik sal die spesialis dan die skade kan bepaal.”

Volgens Moosajee is daar ’n sterk moontlikheid dat Boucher waarskynlik ’n deel van sy sig in dié oog sal verloor.

“Daarom is dit onwaarskynlik dat hy weer sal kan speel, maar Mark is ’n vegter en ek hoop hy bewys my verkeerd.”

Moosajee het gesê Boucher span sedert sy terugkeer in Kaapstad uit.

“Dit gaan oukei met hom onder die omstandighede.

“Dis belangrik dat hy genoeg rus kry, want dit sal help om te verhinder dat die oog ontsteek raak. Hy is omring met van die beste mediese hulp in die land en KSA (Krieket Suid-Afrika) sal hom later ook bystaan met berading, sou hy voel dis nodig.”

Moosajee het volgehou dat ’n kopskerm of sonbril nie noodwendig dié besering kon voorkom nie.

Boucher het net ’n pet gedra toe die balkie hom getref het.

“Die snelboulers was besig om van die ander kant af te boul en hy het nie juis tyd gehad om ’n kopskerm aan te sit nie,” het Moosajee gesê.

“Die bewolkte en reënerige weer het dit onmoontlik gemaak om ’n bril te dra en omdat die bal die balkie met groot vaart getref het, sou nie eers dít noodwendig die besering kon keer nie.”

Lees Rapport se kommentaar beleid

Lewer kommentaar op hierdie artikel
8 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-21°C Morning clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 4-16°C Sunny. Cool.
Dbn: 13-23°C Morning clouds. Mild. PE: 11-23°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!