Micaela: Só lyk sy nou

2013-01-12 23:52

Die tweejarige Micaela destyds toe sy met haar ma ná die nagmerrie herenig is. Foto: Hoffie Hofmeister

Lesersfoto’s Stuur vir ons jou foto's  ·  Stuur vir ons jou foto's

Micaela Hunter, wie se diefstal amper 19 jaar gelede die land aangegryp het, was een van die duisende wat vandeesmaand haar matriekuitslae gevier het.

Sy is op 4 Mei 1994 uit die kraamafdeling van die Marymount-kliniek in Kensington, Johannesburg, gesteel, net 17 uur ná haar geboorte.

Suid-Afrikaners het saamgejuig toe die polisie haar 22 maande later gevind en aan haar oorstelpte ouers, Bruce en Alison Hunter, terugbesorg het.

“Sy het blou-blou ogies, ’n bos ligte krulhare, rosige wangetjies, ’n mondjie soos die gerubs van die Kinderbybel se prente,” het Rapport se Chris Karsten, wat eksklusief met die Hunters gepraat het, haar toe beskryf.

“Jy kan jou oë nie van die pragtige kind afhou nie.”

Die kleine Micaela het toe ook ’n uitsonderlike jong dame geword.

Die pragtige 18-jarige het einde verlede jaar haar matriek aan ’n private kollege in Johannesburg voltooi.

Haar vriende sê sy was hoofmeisie en was altyd daar om almal te help.

Ashton Samuels (18), wat in 2012 ook in matriek by dié skool was, sê sy was altyd vriendelik.

Hy sê hy was nie besonder na aan haar nie en het daarom nie geweet van die nagmerrie nie.

“Sy het ook nooit enige aanduiding gegee dat iets so traumaties met haar gebeur het nie. Sy is ’n baie mooi mens. Micaela het altyd ’n glimlag op haar gesig,” sê Samuels.

Hy sê Micaela was baie gewild.

“Ons was nie in dieselfde klas nie. Ek was in die hoofstroom-afdeling en sy was in die klasse vir leerlinge wat nie hoofstroomvakke soos wiskunde of wetenskap geneem het nie. Dié afdeling se klasse is kleiner en spesialiseer in vakke soos kuns.

“Sy het baie goed in haar vakke gevaar,” sê Samuels.

Candice Berman, nog ’n 2012-matrikulant aan die kollege, en Micaela ken mekaar sedert gr. 8. Berman sê sy het van Micaela se trauma gehoor.

“Micaela het dit nooit self vir my gesê nie, maar het dit aan vriende vertel en dit is hoe ek daarvan gehoor het.

“Vir iemand wat deur soveel hartseer is, was sy altyd daar om hulp aan te bied aan die wat dit nodig gehad het.”

Rapport het met Bruce Hunter, Micaela se pa, gepraat.

Hy wou nie kommentaar lewer nie en het versoek dat sy gesin in vrede gelaat word.

Die Hunters was in die 702 dae wat Micaela weg was erg getraumatiseer.

Alison Hunter het haar selfs laat hipnotiseer om die gebeure die dag van die ontvoering te re-konstrueer.

Micaela se ontvoerder, Sonja Combrinck (toe 25), het haar voorgedoen as ’n werker van die Rooi Kruis.

Sy het Alison gevra of sy haar baba kan gebruik om nuwe ma’s te wys hoe om ’n baba te bad.

Combrinck het toe met Micaela verdwyn.

Combrinck het glo ’n miskraam gehad toe sy nege weke swanger was en toe nege maande lank haar destydse kêrel, Charles McDonald, om die bos gelei dat sy steeds swanger was.

Sy het aan hom gesê sy sou op 4 Mei ’n keisersnee ondergaan.

McDonald het amper twee jaar lank geglo hy is Micaela se biologiese pa.

Combrinck is in 1996 skuldig bevind en tot 12 jaar tronkstraf gevonnis.

Sy is vrygelaat nadat sy agt jaar van haar vonnis uitgedien het.

Lees Rapport se kommentaarbeleid

Lewer kommentaar op hierdie artikel
34 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C Morning clouds. Cool. Pta: 6-16°C Sunny. Refreshingly cool.
Jhb: 1-9°C Sunny. Cool. Bfn: -1-11°C Morning clouds. Cool.
Dbn: 11-19°C Showery. Morning clouds. Refreshingly cool. PE: 9-14°C Numerous showers. More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!