Min lof vir Goosen

2012-10-01 06:16

Bryan Habana duik oor vir sy derde drie in die rugbytoets tussen Suid-Afrika en Australië op Loftus Versfeld in Pretoria. Habana het sy drieë gedruk in die 29ste, 61ste en 79ste minute. Foto: Deaan Viviers

Lesersfoto’s Stuur vir ons jou foto's  ·  Stuur vir ons jou foto's

Was dit die nuweling-losskakel Johan Goosen wat gister die broodnodige vonk en rigting verskaf het wat die Springbokke vyf drieë besorg het in sy sege van 31-8 oor Australië?

’n Seëvierende Bok is vir die meeste van ons ’n heerlike gesig, ’n vernederde Wallaby net effens minder so, maar alle oë was in die eerste plek gister op Goosen, die bloedjong Bloemfonteinse losskakel, wat ’n nuwe era moes inlei.

Goosen se trane het gerol tydens die volkslied, maar toe die fluitjie blaas, was hy onmiddellik tuis en die ene selfvertroue.

Dit sal vergesog wees om te beweer die oorwinning was net te danke aan Goosen se insluiting ten koste van die veteraan Morné Steyn, maar sy benadering was heeltemal anders en dit het sy spanmaats beslis aangesteek.

Die Springbok-afrigter Heyneke Meyer het gisteraand egter gesê die Bok-lostrio en die vaste vyf het met hul goeie besit uit eerste fases die ruimte geskep vir die agterspelers om aan te val.

Die Bokke se kaptein, Jean de Villiers, dink ook nie sy span het meer drieë gedruk omdat Goosen minder as Steyn geskop het nie.

“Daar was vanaand meer kanse. As die ruimte agter jou teenstander is, skop jy daarheen met die doel om die bal terug te wen. Maar as hulle dieper lê, moet jy die kans gebruik om met die bal te hardloop, en ek dink ons het dit vanaand net beter gelees en uitgevoer,” meen hy.

Waar gevrees is dat die Bokke hul rugby in ’n strategiese dwangbuis speel, het hulle gister elke situasie op meriete beoordeel.

Trouens, soms het die wenspan effens te vinnig losgetorring, maar wie wil vanoggend daaroor kla as dit weer lekker is om die Bokke te sien speel?

Goosen het die voordeel van goeie diens en ’n puik platform voorlangs gehad, maar dis insiggewend dat hy die bal net vier maal gesool het – ’n steekskoppie, ’n hangskop en twee kantlyn toe, laasgenoemde eers ná ’n uur.

Hy het die voordeellyn met vrug aangeval, sy duikslae gemaak en hope ruimte buitentoe geskep, met net sy twee verbroude stelskoppe wat hom werklik ten laste gelê kan word.

Die gees waarmee die Bokke gespeel het, is pragtig geïllustreer deur Bryan Habana se driekuns.

Die veteraan-vleuel was die keur onder die Springbokke, saam met Adriaan Strauss, Eben Etzebeth en Francois Louw, maar sy eerste drie was ’n skitterende langafstand-spanpoging.

Vir nommer twee het hy en Strauss die Wallabies oorhoops getrek met ’n vinnige lynstaan-ingooi naby die middellyn.

Die kersie op die koek was die senter-gehalte-breekslag waarmee Louw hom vir die derde deurgejaag het. Elton Jantjies, wat Goosen vervang het, het Louw lieflik in die gaping gespeel.

Dié Bokke is nie meer bang om dinge te probeer nie.

Die Wallabies was maar hoi poloi, bygesê.

Dit was die perfekte voorbereiding vir Saterdag se grote in Soweto teen die All Blacks. Teen die sterker teenstanders uit Nieu-Seeland sal die Bokke waarskynlik versigtiger moet speel.

Maar kan hulle wen? Geoordeel aan gister, beslis.

Lees Rapport se kommentaarbeleid

Lewer kommentaar op hierdie artikel
4 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-16°C Showers early. More sun than clouds. Cool. Pta: 8-20°C Sunny. Mild.
Jhb: 5-14°C Sunny. Refreshingly cool. Bfn: 0-13°C Sunny. Cool.
Dbn: 11-21°C More sun than clouds. Cool. PE: 11-17°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!