Moordenaar verdedig die skieter

2012-09-09 01:07

Sithembele Elvis Tebe sit links voor die moordbeskuldigde, Xolile Mngeni in die hooggeregshof in Kaapstad.| Foto: Yunus Mohamed

Lesersfoto’s Stuur vir ons jou foto's  ·  Stuur vir ons jou foto's

’n Veroordeelde moordenaar wat op mediese parool vrygelaat is, is deel van die regspan wat veg om ’n beskuldigde in die Anni ­Dewani-moordsaak uit die tronk te hou.

Sithembele Elvis Tebe tree nou saam met Qalisile Dayimani in die hooggeregshof in Kaapstad op vir Xolile Mngeni, wat daarvan aangekla is dat hy die Britse toeris op 13 November 2010 in ’n nagebootste motor­kaping doodgeskiet het.

Tebe is in April 2004 in dieselfde hof skuldig bevind aan moord en effektief tien jaar tronkstraf opgelê.

In 2006 is hy op mediese parool vrygelaat nadat mediese verslae aangetoon het hy is terminaal siek.

Voordat hy Bongani Phendula (31) van Khayelitsha in November 2002 in ’n padwoedevoorval doodgeskiet het, was ­Tebe ’n landdros in die hof in Mitchells Plain.

Nadat Phendula in sy motor vasgery het, het Tebe hom agtervolg en in ’n straat vasgekeer.

Koos Gerber, ’n waarnemende adjunkdirekteur van kommunikasie in die departement van korrektiewe dienste (DKD), sê Tebe is sedert 22 Junie 2006 op mediese parool en sy vonnis verstryk op 12 April 2013.

Die siektetoestand wat bygedra het tot Tebe se mediese parool is vertroulik van aard en gaan nie bekend gemaak word nie, sê Gerber.

“Maar hy sou nie medies vrygelaat gewees het as die mening nie was dat hy op daardie sta­dium terminaal siek geag is nie.”

Volgens hom weet die DKD Tebe werk vir ’n regsfirma.

Tebe het toestemming daarvoor en dit is deel van sy aangepaste voorwaardes.

Mngeni se regspan het vroeër ook in die hof aangevoer dat hul kliënt ’n kwaadaardige breingewas het en nie hofverrigtinge kan volg nie, maar doktersverslae het getoon Mngeni kan wel.

Intussen wend die vermoorde Anni se man, Shrien Dewani, hom op 18 September weer tot die Britse hooggeregshof waar hy stry om nie aan Suid-Afrika uitgelewer te word nie.

Hy voer aan hy ly aan post-traumatiese stres en dat hy nie regverdig in Suid-Afrika verhoor sal word nie.

* Dayimani en Tebe het die afgelope week kat en muis met die media gespeel oor wie nou eintlik Mngeni se regskoste betaal. Op ’n vraag oor die gerug dat die Dewani-familie glo Mngeni se regskoste betaal, het Dayimani laggend gesê ’n Keniaanse regskonsultant, ene “Edmondo”, en ’n groep menseregte-advokate help betaal.

Die afgelope Donderdag het Dayimani telefonies aan Rapport Edmundo se van as “Bizagomba” uitgespel. Die gewers se geldelike hulp, sê Dayimani, was “drupsgewys” en het nou “eintlik opgedroog”.

* Mngeni se hofsaak gaan môre voort.

Lees Rapport se kommentaar beleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 18-24°C Morning clouds. Mild. Pta: 10-25°C Mostly sunny. Pleasantly warm.
Jhb: 10-20°C Mostly sunny. Mild. Bfn: 9-24°C Sunny. Mild.
Dbn: 17-28°C Haze. Warm. PE: 16-21°C Mostly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!