Myners se 'messias'

2012-08-20 05:57

Julius Malema, die uitgeskopte ANC-jeugleier, praat gister met honderde stakende mynwerkers en ander inwoners van die Nkaneng-nedersetting naby Lonmin se Marikana-myn. Hy het onder meer gesê pres. Jacob Zuma moet bedank en het ook die sakeleier Cyril

Lesersfoto’s Stuur vir ons jou foto's  ·  Stuur vir ons jou foto's

Stakende mynwerkers wat so aggressief was dat nóg pres. Jacob Zuma nóg genl. Riah Phiyega, die nasionale polisiekommissaris, dit naby hulle gewaag het, het Julius Malema gister soos ’n messias ontvang.

Digby waar 34 werkers Donderdag in ’n bloedbad gesterf het, het Malema geëis dat Zuma bedank en aan die skare gesê: “Jul leiers het julle die rug toegekeer. Zuma is die vyand, want hy het nie na sy mense kom luister nie.”

Te midde van hoogspanning en dae ná die dodelikste polisie-optrede sedert die einde van apartheid het Malema eers die atmosfeer by die myn naby Rustenburg ontlont, maar toe mynwerkers oor die land heen aangehits om ook te staak.

Die werkers, wat onwettig oor lone staak, en die gesinne van slagoffers het gister nog gesteier ná die week se gebeure. Huilende vroue het by hospitale saamgedrom om te probeer vasstel of hul mans iewers aangehou word en of hulle in die slagting gesterf het (berig op bl. 4).

Rapport kan vandag onthul die polisie is laas jaar skriftelik beveel om selfs rubberkoeëls net as ’n “laaste uitweg” teen oproerige skares te gebruik. Donderdag is met skerp ammunisie losgebrand toe gewapende mynwerkers op hulle afgestorm het.

Die memorandum was daarop gemik om polisiegeweld te beperk ná die dood van Andries Tatane in ’n betoging in Ficks­burg in die Vrystaat in April 2011.

Waterkanonne moes eerder gebruik word.

Volgens dr. Johan Burger van die Instituut vir Sekerheidstudies is daar egter net tien waterkanonne in Suid-Afrika.

Zuma het Vrydag ’n kommissie van ondersoek na die week se gebeure aangekondig, maar sal eers volgende week bekend maak wie in die kommissie sal dien en presies wat hul mandaat sal wees.

Zuma het glo Vrydag in ’n helikopter oor die myn gevlieg voordat hy die media by ’n konferensiesentrum, etlike kilometers van die slagveld af, toegespreek het.
Mac Maharaj, sy woordvoerder, het die president verdedig teen onder meer Malema se beskuldigings dat hy nie bereid was om met die mynwerkers self te vergader soos wat Malema gister gedoen het nie.

Volgens Maharaj is “die president nie in kompetisie met Malema nie” en is Malema se uitsprake irrelevant.

Dit is boonop volgens Maharaj nie die president se taak om “arbeidsdispute” te besleg nie.

Hy het wel “sy simpatie betuig en die gewondes in die hospitaal besoek”. By die myn het werkers en hul families gister nog gewag vir Zuma, wat volgens Maharaj in KwaZulu-Natal was vir die dag.

“Die mense is dood vir niks. Hoe kan Zuma bang wees vir sy eie mense? As hy nie kom nie, gaan ons nie vir hom stem nie,” het Mollie Moyo (29) naby die myn aan Rapport gesê.

Malema het sy bes gedoen om politieke munt uit die krisis te slaan. Hy het na Nathi Mthe­thwa, polisieminister, gekap en aangevoer die polisie het die myn beskerm omdat ­Cyril Ramaphosa, sakeman en ’n senior ANC-lid, belange het in Lonmin, eienaar van die platinummyn.

Ramaphosa se Shanduka-maatskappy het aandele in Lonmin deur Incwala Resources.

“Cyril sal ’n buffel op ’n veiling koop vir R18 miljoen, maar hy weier om julle die R12 500-verhoging te gee. Ons wil nie daardie soort leier hê nie. Moet nooit oorgee nie, moet nooit terugstaan nie. Selfs al kyk jy die dood in die oë,” het Malema gesê.

Die Shanduka-groep van Ramaphosa het gister R2 miljoen bygedra tot die begrafniskoste van die afgestorwe stakers.

’n Verslaggewer van CNN, Nkepile Mabuse, het gistermiddag getwiet sy wou in ’n direkte onderhoud met Malema praat voordat hy die myners toegespreek het, maar dat sy lyfwag haar in die gesig geklap het.

Lees Rapport se kommentaarbeleid

Lewer kommentaar op hierdie artikel
0 reaksies
Kommentaar is gesluit vir hierdie artikel

binne rapport

Weer
Ksd: 13-19°C Morning clouds. Mild. Pta: 5-22°C Sunny. Mild.
Jhb: 5-17°C Sunny. Mild. Bfn: -1-21°C Sunny. Mild.
Dbn: 10-23°C Partly cloudy. Mild. PE: 14-17°C More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!