‘Nee, nie my kind!’

2013-01-05 23:22

George en Marilize Terblanche en hul drie kinders, Ruan, Erica (toe 9 maande) en Monique, van Riebeeckstad by Welkom. Dié foto is ses maande gelede geneem.

Lesersfoto’s Stuur vir ons jou foto's  ·  Stuur vir ons jou foto's

“George, ek het my kind omgery.”

Dié ses woorde van sy vrou het George Terblanche (33) se ­lewe Woensdagoggend tot stilstand geruk.

Hy het sy vrou, Marilize (26), histeries in die gang van hul huis gekry.

’n Oomblik lank was hy lam geskrik en toe hardloop hy... in die gang af, deur die sitkamer, in die aangeboude motorhuis in waar Marilize se BMW 320 halfpad buite gestaan het.

Hul 15 maande oue baba, Erica, se lewelose lyfie het voor die motor op die grond gelê.

“Sy het geen pols gehad nie. Toe skreeu ek net: ‘Nee, nee, nie my kind nie!’” het George gister gebroke vertel van die ongeluk wat die jongste van sy drie kinders geëis het.

“Marilize het Erica opgetel, op die grond gaan sit, haar vasgedruk en net gehuil,” sê George.

Die huis in Riebeeckstad by Welkom waar hulle twee maande gelede ingetrek het, is nou stil. Marilize is met hul twee ouer kinders, Monique (8) en Ruan (4), na George se ouers in Welkom toe.

Sy weier om terug te kom.

Sy wil ook die motor nie weer sien nie.

Hulle het dit weggevat.

Marilize praat nie, sy huil net.

Eergisteraand het George haar vasgedruk en gesê hy is lief vir haar.

Toe sê sy: “George, ek is baie jammer.”

Dis al wat sy nog oor die voorval vir hom kon sê. Hulle het haar al na ’n sielkundige toe gevat, maar sy is gebroke.

Monique het Woensdag verjaar. Marilize was op pad na haar werk by Coca-Cola.

George, ’n dieselwerktuigkundige by ’n goudmyn, het in die bed gelê toe sy kom groet.

Hy het die kinders in die huis hoor babbel.

Hy het opgestaan om sy gesig te was en sy tande te borsel toe hy Marilize hoor vertrek.

“Ons vermoed Erica het agter Marilize aangestap na die motorhuis toe. Sy het net voor Kersfees eers begin loop en kon nog net klein entjies stap. Sy moes haar ma gevolg het toe sy om haar motor stap en was agter die voertuig toe Marilize haar omgery het,” sê George.

“Dit was net ’n ongeluk, maar dit het ons lewe vir altyd verander. Dit is vir ons almal bitter seer. Al wat ons nou kan doen, is om elke dag te vat soos dit kom. Met die Here se genade en bystand van vriende en familie maak ons dit nog elke dag,” sê hy.

George en Ruan verjaar vandag. Gister het hulle vir Ruan ’n partytjie gehou. “Ons moet vir die kinders wys die lewe gaan aan,” sê George.

George en Marilize het hul huweliksherdenking op 1 Januarie gevier.

Erica word Vrydag in Welkom begrawe.

Oud-boksheld onthou dié dag

Hy het yskoud geword toe hy lees van klein Erica Terblanche se dood, sê Kallie Knoetze (60).

“Ek het dadelik vir my vrou en vriende gesê: ‘Kyk hier, dit het met my gebeur, maar hierdie is erger. Die baba is dood. My Nuan leef nog’.”

Knoetze het in November per ongeluk met sy dubbelkajuit-bakkie oor sy vierjarige kleinseun, Nuan, gery. Nuan het die ongeluk wonderbaarlik oorleef met net ’n gebreekte heup.

“Die arme mense se baba is dood. Ek verstaan waardeur hulle gaan. Maar hulle is nie alleen nie. Daar is duisende Christene wat saam met hulle bid. Ek bid saam,” sê hy.

“Om ’n fietsryer (met verwysing na die dood van Burry Stander) dood te ry is net so erg. Wat is aan die gebeur?”

Nuan is stukke beter. “Hy lag weer en hardloop rond.”



Lees Rapport se kommentaarbeleid

Lewer kommentaar op hierdie artikel
25 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-22°C Sunny. Mild. Pta: 10-26°C Sunny. Pleasantly warm.
Jhb: 8-21°C Morning clouds. Mild. Bfn: 2-24°C Sunny. Mild.
Dbn: 11-23°C Morning clouds. Mild. PE: 8-20°C Sunny. Mild.
7-dag-voorspelling...

Betrekkinge - Vind jou droomwerk

Personal Lines Sales Consultant

Johannesburg CBD
Only the Best Randburg
R60 - R65 Per Hour

Recruitment Consultant

Johannesburg CBD
New East Consulting Services (Pty) Ltd
R8 500 Per Month

Recruitment Consultant

Hatfield
New East Consulting Services (Pty) Ltd
R8 500 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!