Nkandla: Bewys dit, pres. Zuma

2012-11-19 06:49

Daar is geen verband op pres. Jacob Zuma se woning by Nkandla geregistreer soos hy die afgelope week in die parlement gesê het nie.

Terwyl Zuma se verduideliking oor wie betaal het vir die Nkandla-huise al hoe meer vrae laat ontstaan, weier die polisie boonop om bewyse te lewer dat Zuma se eiendom ooit tot ’n nasionale sleutelpunt verklaar is (lees berig hiernaas).

Dít terwyl opgraderings, wat volgens Rapport se inligting meer as R200?miljoen beloop, volgens Thulas Nxesi, minister van openbare werke, ingevolge die wet op nasionale sleutelpunte gedoen is.

’n Sigbaar ontstelde Zuma het die afgelope week in die parlement gekap na kritiek dat hy op korrupte wyse deur die opgraderings by Nkandla verryk is. Hy het gesê sy familie het self vir die huise betaal.

“Ek het besluit om my huis uit te brei en het meer as een keer meer rondawels aangebou. Nie net die rondawels nie, ek het ook ’n heining om die huis gebou. En ek het die bank geskakel en ek is steeds besig om die verband op die eerste fase van my huis te betaal,” het Zuma gesê.

Maar Rapport kon geen openbare rekords opspoor wat Zuma se bewering staaf dat daar ’n verband op Nkandla geregistreer is nie.

Die grond waarop die president se huis staan, behoort aan die Ingonyama-trust, waarvan koning Goodwill Zwelithini die hoof is.

Rapport het die rekords opgespoor van die eiendom se titel-akte: deel 27 van reserwe 19 van standplaasno. 15839.

Die titelakte beskryf die Ingo­nyama-trust as die eienaar. Daar is geen aanduiding dat ’n verband op die eiendom geregistreer is nie.

Belinda Benson, eiendomsbestuurder van die Ingonyama-trust, het bevestig die titelakte- rekords wat Rapport opgespoor het, is dié van Zuma se woning.

“Daar is geen verband op daardie gedeelte, soos dit tans staan nie. Of dit geregistreer is of nie, en of dit nog in die proses is om geregistreer te word, en of die president besluit het om ’n verband op ’n ander eiendom te registreer, weet ons nie,” het sy gesê.

Volgens Benson is die Ingonyama-trust verantwoordelik daarvoor om dokumentasie aan die oordragprokureurs en banke beskikbaar te stel wanneer ’n verband geregistreer word op ’n eiendom wat deur die trust besit word.

Sy sê Zuma kon moontlik die ontwikkeling gefinansier het deur middel van ’n verband op ’n ander eiendom. Dit is ook moontlik dat ’n derde party ’n verband kon uitgeneem het om ontwikkelings te finansier op grond wat aan die Ingonyama-trust behoort.

Maar hulle sou daarvan geweet het as ’n verband uitgeneem is op trustgrond.

Mac Maharaj, die president se woordvoerder, kon geen lig werp op die tergende teenstelling tussen die president se woorde en beskikbare dokumentasie nie.

Maharaj het ontvangs van Rapport se vrae hieroor erken, maar Vrydag gesê hy kan nie so vinnig kommentaar lewer nie. Hy was ook nie seker wanneer hy die vrae sou kon antwoord nie.

’n Soektog op WinDeed – ’n erkende aanlyn-databasis – wys daar is twee verbande namens Zuma geregistreer, maar nie een is in Nkandla nie.

Bruce Myburgh, ’n eiendomspesialis by Myburgh-prokureurs in Pretoria, sê: “Mense kan nie ’n verband uitneem op grond wat nie aan hulle behoort nie. Slegs die persoon of instansie wat by die aktekantoor as die titeleienaar geregistreer is, kan ’n verband op so ’n eiendom uitneem.”

Hy sê dit is ook van toepassing op eiendomme wat in ’n trust is.

Die DA se parlementêre leier, Lindiwe Mazibuko, sê as die president die parlement “willens en wetens” mislei het, kan hy vervolg word. “As die president doelbewus die parlement en Suid-Afrikaners mislei het, kan hy nie vertrou word om die land te lei nie,” sê sy.

Lees Rapport se kommentaarbeleid

Lewer kommentaar op hierdie artikel
7 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-19°C Sunny. Mild. Pta: 5-22°C Sunny. Mild.
Jhb: 5-17°C Sunny. Mild. Bfn: 0-21°C Sunny. Mild.
Dbn: 10-23°C More sun than clouds. Mild. PE: 14-17°C More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!