'Onreëlmatige tenders'

2012-10-11 10:35

JOHANNESBURG. – Op dieselfde dag waarop die openbare beskermer (OB) ’n verslag bekend gemaak het wat haar bevinding bevat dat Julius Malema se Ratanang-familietrust onbehoorlik voordeel getrek het uit onreëlmatige tenders, het Malema pres. Jacob Zuma ’n dief genoem.

Die voormalige leier van die ANC-jeugliga is gistermiddag met ope arms by die Brixton-plakkerskamp in Johannesburg verwelkom.

Net vroeër het Madonsela in haar verslag, “On the Point of Tenders”, onder meer voorgestel regstappe moet gedoen word teen On-Point Engineering, ’n maatskappy wat gedeeltelik aan Malema se trust behoort, en dat tugstappe teen Ntau Letebele, hoof van die departement van paaie en vervoer in Limpopo, kom.

Sy stel ook voor dat die nasionale tesourie ’n rekonsiliasie van betalings aan On-Point doen sodat die maatskappy dit kan terugbetaal.

Die OB het ’n tender van R52 miljoen wat die departement in 2009 aan On-Point toegeken het, ondersoek ná aantygings dat Malema, toe nog president van die ANC-jeugliga, sy politieke posisie gebruik het om die toekenning van tenders in Limpopo te beïnvloed.
Malema was gister in ’n uitdagende bui en het onder Zuma ingeklim. “Die dief (Zuma) steel jul geld,” het hy gesê.

“Zuma bou ’n groot huis van R200 miljoen in Nkandla en julle het nie eens huise nie. Die R200 miljoen kon gebruik word om vir julle almal huise te bou.”

City Press, susterkoerant van Die Burger, het onlangs onthul dat die regering sowat R203 miljoen begroot het vir verbeterings aan Zuma se private woning in Nkandla, KwaZulu-Natal.

Die voormalige ANC-jeugleier het Madonsela ’n dwarsklap gegee en gesê dit is onregverdig dat die OB ’n verslag met inkriminerende bevindings teen hom bekend maak sonder om met hom te konsulteer.

Malema het gesê hy is bewus daarvan dat die polisie dreig om die inwoners van die plakkerskamp te verwyder omdat hulle onwettig daar woon.

Hy het gesê hulle moet daarop aandring dat die regering vir hulle huise bou.

“Hierdie regering – as jy nie saam met hulle slaap nie, sal hulle nie vir jou ’n huis gee nie. Hulle sorg net vir dié wat met hulle slaap.

“Hulle moet weet hul tyd is verby in Desember wanneer ons nuwe leiers kies. Zuma is nié jul president nie. Hy steel jul geld en gebruik dit om vir hom ’n huis te bou.”

Malema het saam met Floyd Shivambu, sy regterhand en woordvoerder van die Vriende van die Jeugliga, en Sindiso Magaqa, nog ’n handlanger, deur die plakkerskamp gestap met honderde inwoners agterna.

“Dié grond staan leeg. Dit is júl grond. Julle moet dit wat aan julle behoort terugeis,” het Malema gesê.

Hy beweer Zuma voer ’n vendetta teen hom en wil hom “kaal uittrek”. “Hy moet weet ons is nie bang vir tronkstraf of die dood nie. Selfs al is ek kaal en sonder enige eiendom, weet ek ek kan hier by julle kom plak, want dit is waar ek hoort.”

 

- Die Burger

Lees Rapport se kommentaar beleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-24°C Sunny. Mild. Pta: 11-26°C Sunny. Pleasantly warm.
Jhb: 10-21°C Sunny. Mild. Bfn: 8-25°C Mostly sunny. Mild.
Dbn: 17-28°C More sun than clouds. Warm. PE: 15-22°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!