‘Ons wil die ANC pak’

2012-10-20 23:33

Die organisasie wat die land se mynbou met onwettige stakings probeer verlam, wil ’n politieke party stig om die ANC by die stembus te pak.

Die ver-linkse Demokratiese Sosialistiese Beweging (DSM) koördineer glo die laaste weke se arbeidsonrus en dit blyk deel te wees van sy voorbereidings vir ’n politieke veldtog.

“Ons wil ’n massa-werkersparty op die been bring,” het Thamsanqa Dumezweni (72), een van die DSM se vyf uitvoerende komiteelede, gesê.

Volgens hom probeer hulle sedert 2002 ’n politieke alternatief vestig. “Dit is nie maklik nie ... maar gemeenskappe regoor die land begin besef die ANC en sy regering kan dinge nie regruk nie.”

Zwelinzima Vavi, hoofsekretaris van die vakverbond Cosatu, het gister te velde getrek teen die DSM en hom daarvan beskuldig dat hy die stakings probeer uitrek.

“Daar sal gevolge wees wat hulle nie sal kan hanteer nie,” het Vavi op ’n mediakonferensie in Johannesburg gesê.

“Die DSM gaan nie daar wees om die stukke op te tel nie. Hy wil werkers in ’n sloot lei om sy invloed te versterk.”

Hy het gewaarsku dat werk­gewers die stakings “as verskoning gebruik” om mense in die pad te steek te midde van die internasionale finansiële krisis.

Vavi het ook gesê die DSM sit agter ’n voorval waarin hy en leiers van die Union of Mineworkers (NUM) eergister in Ork­ney met klippe bestook is. Vavi en leiers van die NUM moes die aftog blaas toe hulle werkers by AngloGold Ashanti se myn wou toespreek.

Sapa berig ook dat mynveiligheidsbeamptes Liv Shange, ’n DSM-leier, hier ondervra het nadat sy werkers vroeër glo aangemoedig het om nie hul arbeidsoptrede te versaak nie en om nie na Vavi te luister nie.

Nog ’n DSM-leier, Mametlwe Sebei, het verlede week aan AngloGold Ashanti se werkers in Carletonville gesê die land het ’n nuwe regering nodig. “Ons trek ’n streep in die sand. Ons bou ’n sosialistiese alternatief.”

Die DSM-leierskorps ontken dat hulle onrealistiese verwagtings by werkers skep.

“Die werkers weet wat (die waarde is van wat) hulle produseer,” het Sebei gesê. “Die gevestigde vakbonde het die werkers in die steek gelaat.”

Vavi het Saterdag op die mediakonferensie ook gesê die DSM stig stakingskomitees om die NUM te ondermyn, maar dat Cosatu planne het om werkers se vertroue te herwin. Die vakverbond beplan volgende Saterdag ’n massasaamtrek in Rustenburg.

Die Marikana-treurspel het Cosatu se swakhede blootgelê, het Vavi gesê.

Lees Rapport se kommentaarbeleid

Lewer kommentaar op hierdie artikel
28 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-18°C Showers late. Afternoon clouds. Mild. Pta: 10-31°C Sunny. Pleasantly warm.
Jhb: 12-26°C Sunny. Pleasantly warm. Bfn: 16-28°C High level clouds. Pleasantly warm.
Dbn: 17-29°C More sun than clouds. Warm. PE: 16-25°C Showers early. More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!