Oscar begin, eindig met ’n glimlag

2012-08-04 23:41

Oscar Pistorius spring weg in die 400 m-uitdunne. | Foto: Reuters

Lesersfoto’s Stuur vir ons jou foto's  ·  Stuur vir ons jou foto's

Dit het begin met ’n glimlag in die wegspringblokke en ’n raps meer as 45 sekondes later geëindig met ’n selfs breër glimlag – ná die verwesenliking van twee lewenslange drome.

Oscar Pistorius het gisteroggend geskiedenis gemaak deur die eerste dubbel geamputeerde atleet ooit te word wat aan die Olimpiese Spele deelneem.

Boonop het Suid-Afrika se “Blade­ Runner” tweede geëindig in sy uitdun van die 400 m en sy tweede vinnigste tyd van die seisoen van 45.44 sekondes was goed genoeg om hom na die halfeindstryd te laat deurdring.

“Ek het ses jaar lank gewerk vir dié geleentheid,” het Oscar gister gesê. “Ek het met ’n glimlag in my wegspringblokke gesak.”

Hoewel die aandag van die Britse skare in ’n stampvol Olimpiese stadion aanvanklik op die seskamper Jessica Ennis was, het die aankondiging: “This is the Blade Runner, Oscar Pistorius” die kollig blitsig na dié 25-jarige Pretorianer laat verskuif. En wéér het Oscar daarin gedy.

Ná ’n beskeie begin het hy geleidelik spoed opgetel en eindelik gemaklik onder die topdrie-deelnemers – wat outomaties na vanaand se halfeindstryd deurdring – geëindig. Die skare het ontplof, Oscar het opgekyk na die telbord om die belangrike “Q” (vir qualified) langs sy naam te sien en ’n breë glimlag geflits.

“Ek was só senuagtig vanoggend (gisteroggend) en nou weet ek nie of ek moet lag of huil nie,” het hy gesê.

“My emosies is heel deurmekaar. Dié was die ongelooflikste ondervinding ooit, die skare was fantasties – ek het die Suid-Afrikaanse vlag sien wapper. Die hele ervaring was onbeskryflik.”

Dit het die afgelope week gegons oor berigte van Amerikaanse oorlogsveterane wat hul bene op die slagveld verloor het wat inspirasie put uit Oscar se verhaal.

“Dis wonderlik wat hy doen,” het korp. Jeff Kessler, wat albei bene in Afganistan verloor het, aan USA Today gesê. “Ek wil graag agter my seuns aanhardloop en normale dinge saam met my familie doen.”

Kirk Bauer, wat beseer is in die Vietnamese oorlog, het Oscar se prestasies as “revolusionêr” bestempel. “Dit wys hoe ver fisiek gestremde mense kan kom.”

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C High level clouds. Cool. Pta: 2-20°C Sunny. Mild.
Jhb: 2-14°C Sunny. Refreshingly cool. Bfn: -2-15°C Sunny. Refreshingly cool.
Dbn: 8-22°C Sunny. Mild. PE: 13-17°C a few showers. More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!