Outa veg voort teen e-tol
2013-01-08 12:16
- Artikelopsies
- Deel
- Kry Rapport op
Die Bondgenootskap teen Stedelike Tol (Outa) het besluit hy sal voortgaan met sy regstryd teen die omstrede e-tolstelsel.
Die groep het hom verlede jaar tot die hof gewend in 'n poging om te keer dat die regering die stelsel implementeer.
Pretoria se hooggeregshof het egter die aansoek om die tolhekke hersien, van die hand gewys.
Die Suid-Afrikaanse Nasionale Padagentskap (Sanral) en die regering het die hof se besluit verwelkom.
Wayne Duvenhage, voorsitter van Outa, sê hy sal nou appèl aanteken teen dié uitspraak. - NUUS24