Peter ‘kén mos ’n script’

2013-01-05 23:22

Lesersfoto’s Stuur vir ons jou foto's  ·  Stuur vir ons jou foto's

Peter de Villiers skrik nie daarvoor om wéér voor die kamera te verskyn nie, al moet hy dié keer teks leer om ’n karakter te vertolk in die fliek Brendt ­Wayne – When I Was a Young Boy.

Noudat sy flieklus geprikkel is, is hy boonop glad nie gekant daarteen om nog een te maak nie: oor sy omstrede outobiografie.

Want, meen De Villiers, om akteur te wees verskil nie veel van sy vorige rol as afrigter van die Springbokke nie.

“Toe was daar ook ’n script... Ek moes hoop vir almal bring. Wat baat dit jy wen die Wêreldbeker as jy jou siel verloor?

“Jy weet, ons land se mense is soos ’n hot dog. Die wit mense en die swart mense is die brood en ons kleurlinge is die wors.”

Volgens hom is wit en swart presies dieselfde. “Hulle gooi klip en brand tyres; die een doen dit net in jou gesig en die ander een doen dit agteraf.”

Hy beklemtoon dat jy nie ’n hot dog sonder daardie wors kan hê nie. “Waar kry jy iemand wat ’n motor se enjin kan uithaal? In die st. 3-klas van ’n kleurlingskool! Daai kind moet op 16 al ’n apprentice wees.”

De Villiers sê as afrigter moes hy harte wen. Dis juis hoekom hy so opgewonde is oor die nuwe fliek.

Dit is losweg gegrond op die lewensverhaal van die Stellenbosse sanger Brendt Wayne (28).

De Villiers vertolk die rol van ’n DA-werknemer in die departement van kuns en kultuur wat Wayne met sy drome help om die jeug te bemoedig.

“Brendt bring weer hoop, spesifiek vir die jeug, met dié rolprent.”

De Villiers sê sy groot motivering in die lewe het juis gekom toe ’n onderwyser vir hom as jong seun gesê het hy gaan nooit veel vermag nie.

Die oudafrigter, wat deesdae die direkteur van sport aan die Universiteit van Wes-Kaapland is, sê hy oorweeg dit ook om ’n fliek oor sy eie boek, Politically ­Incorrect: The Autobiography, te maak.

“Die groot Amerikaanse rolprente is ’n sukses as daar politiek of ras in die storielyn is. In my fliek gaan daar sommer albei wees,” skerts hy.

“Ek gaan ook nie my eie rol speel nie. Ek kan wragtig nie weer sien wat ek alles aangevang het nie.”

Hy sê die rede hoekom Gavin Rich sy boek help skryf het, is juis omdat Rich een van sy grootste kritici was. “Hy het soveel k** van my geskryf dat ek hom naderhand geglo het!

“Maar hy doen dit so goed, as jy eers begin lees kan jy nie die boek neersit nie.”

De Villiers sê ook hy het nog ’n “helse storie” om te vertel.

“Die boek is wel uit, maar daar is nog genoeg vleis oor vir ’n fliek. Ek het geweet ek sny my keel af toe ek die boek skryf, maar ek moes dit doen sodat die ou ná my beter behandeling kry.”

Die Paarliet sê hy wou nie net van die Springbokke die beste rugbyspan maak nie; hy wou dit eerder ’n “span van die mense” maak. “Gelukkig het die Here my gehelp, want Hy het ’n voltydse job gehad met dié bek van my.”

Verfilming aan Brendt Wayne – When I Was a ­Young Boy begin na verwagting in Maart.

Die fliek word in Pniel, Stellenbosch, Kaapstad en Londen geskiet.

Christo Davids van 7de Laan-faam vertolk ook ’n rol in die fliek. Stefan Enslin is die draaiboekskrywer.

Lees Rapport se kommentaarbeleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-20°C Sunny. Mild. Pta: 6-23°C Sunny. Mild.
Jhb: 4-18°C Sunny. Mild. Bfn: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!