Pippie sê ‘mamma’

2012-09-09 01:07

Pippie Kruger en haar ma, Anice, die afgelope week.| Foto: Loanna Hoffmann

Lesersfoto’s Stuur vir ons jou foto's  ·  Stuur vir ons jou foto's

Dit was ’n week van persoon­like wonderwerke vir die wêreldbekende brandslagoffertjie Pippie Kruger (3), wat vir die eerste keer weer “mamma” gesê het en sy kan binnekort huis toe gaan.

“Die seëninge stroom in, die een ná die ander,” sê Pippie se ma, Anice Kruger. Tot Anice se verbasing en groot vreugde het Pippie verlede Sondag met ’n breë glimlag “mamma” gesê.

“Ek was so trots op haar. Sy het nog nie weer gepraat nie, maar dit is ’n begin.”

Woensdag het dokters vir Anice gesê Pippie kan Dinsdag saam met haar huis toe gaan en verder as ’n buitepasiënt behandel word.

Rapport het gister met Anice gesels terwyl sy besig was om kwotasies te kry vir toerusting om Pippie tuis te help.

Sy moet onder meer ’n rolstoel en badstoel kry, sê Anice.

Die afgelope week het daar nog borge bygekom om die koste van Pippie se fisieke en sielkundige rehabilitasie te dek.

Pippie het wêreldwyd harte gesteel as ’n klein vegtertjie nadat sy op Oujaarsaand derdegraadse brandwonde oor 80% van haar lyfie opgedoen het toe ’n bottel vuuraanstekerjel in die hande van haar pa, Erwin Kruger, ontplof het.

In Junie het sy ’n baanbreker-veloorplantingsoperasie ondergaan toe vel wat in Amerika gekweek is 90% suksesvol op haar oorgeplant is.

Volgens Anice het hulle gedink Pippie sal eers volgende jaar ontslaan word. “Ons het gehoop op Februarie of Maart.

“Ons het nooit gedink dit sal so gou wees nie, maar daar gebeur soveel wonderwerke.”

Anice huur ’n woonstel in Melville waar Pippie al ’n paar keer gaan kuier het, maar sy moes ná elke naweek na die hospitaal terugkeer.

Pippie sal Dinsdag saam met Anice na die woonstel gaan, maar Anice beplan om teen die einde van die week in ’n groter woonstel in te trek sodat albei gemakliker sal wees.

Eers wanneer Pippie loop en praat sal sy terugkeer na haar tuisdorp, Ellisras.

Al is Anice opgewonde om haar kind huis toe te neem, weet Pippie self nog nie sy gaan nou amper elke dag by haar ma deurbring nie.

“Ek wil haar nie opgewonde maak en dan moet sy tot Dinsdag wag nie. Ek sal Dinsdag vir haar sê en haar dan huis toe vat.”

Pippie sal steeds elke dag na die rehabilitasiekliniek in Auckland Park gaan vir behandeling.

“Alles gebeur op die regte tyd, ons probeer geduldig wees. Liewe Jesus het ons dié week ekstra bederf.”

Lees Rapport se kommentaarbeleid

Lewer kommentaar op hierdie artikel
15 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C Sunny. Mild. Pta: 10-26°C Rain late. Partly cloudy. Warm.
Jhb: 7-20°C Numerous showers. More sun than clouds. Mild. Bfn: 0-23°C Sunny. Mild.
Dbn: 14-20°C More sun than clouds. Cool. PE: 9-19°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!