Polisie jag gevaarlike Franse egpaar

2011-01-15 20:15

’n Gesamentlike polisietaakspan van die Noord- en Wes-Kaap het eergister ’n uitgebreide soektog na ’n Franse egpaar van stapel gestuur nadat hulle ’n polisiekonstabel op die plaas Hardie sowat 30?km buite Sutherland doodgeskiet het.

Die egpaar, mnr. Phillipe (60) en me. Angus (58) Manière, het gevlug toe die polisie ’n klopjag op hul huur-plaashuis uitgevoer het om na onwettige vuurwapens te soek.

Volgens lt.kol. Hendrik Swart, polisiewoordvoerder, was die plaaseienaar, mnr. Gerhard du Plessis, tot dusver onsuksesvol in sy pogings om die egpaar, wat huurders was, van sy skaapplaas af te sit.

Hulle het sowat tien jaar gratis op die plaas gewoon omdat hulle goed bevriend was met Du Plessis.

Toe Du Plessis die huis vir sy twee seuns, Jaen (26) en Cobus (28), wou herstel, het hy die egpaar versoek om die woning te ontruim.

Mnr. Manière was glo “arrogant” en het die versoek geweier.

Du Plessis het die polisie ontbied en hulle ingelig dat die huurders dalk onwettige wapens in hul besit het.

Vier polisiebeamptes het Vrydagmiddag 14:00 met ’n lasbrief by die huurders se huis opgedaag.

Hulle het op verskeie vuurwapens beslag gelê.

Terwyl die polisie besig was om mnr. Manière in hegtenis te neem, het sy vrou vanuit die huis op hulle losgebrand.

Mnr. Manière het ’n polisiebeampte se pistool gegryp en ’n studente-konstabel, mnr. Jacob Boleme (27), doodgeskiet.
Boleme se kollega, ao. Glenwall du Toit, is in die rug geskiet.

’n 9?mm-patroondoppie is later op die toneel gevind.

Die egpaar het die polisie se wapens gegryp en op die oorblywende polisiebeamptes, Du Plessis en sy seuns bly skiet.

Die huurders het dié groep toe met Du Plessis se bakkie deur die veld gejaag.

Die bakkie het egter vasgeval, waarna mnr. Manière die bande met ’n .308-jaggeweer flenters geskiet het. Die egpaar het te voet die veld ingevlug.

Die polisiegroep is op ’n grondpad deur verbygangers gehelp.

Gisteroggend het 18 lede van die intervensie-eenheid in die Wes-Kaap asook twee spoorsnyers die egpaar se spoor gevolg.

Volgens Swart bemoeilik die heuwelagtige terrein, asook die feit dat die vlugtelinge gewapen is, die soektog.

Mnr. Manière praat Engels met ’n swaar Franse aksent. Hy is skraal met dun, wit hare en hy dra ’n bril.

Sy vrou is skraal. Albei het kakie-kleurige kamoefleerdrag aangehad toe hulle op die vlug geslaan het.

Die gewonde polisieman, wat in ’n Kaapse hospitaal opgeneem is, se toestand is gistermiddag as bevredigend beskryf.

Teen druktyd was die egpaar steeds voortvlugtig.

Lees Rapport se kommentaar beleid

Lewer kommentaar op hierdie artikel
41 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 16-24°C Sunny. Mild. Pta: 13-23°C Passing showers. Afternoon clouds. Mild.
Jhb: 9-18°C Passing showers. Morning clouds. Mild. Bfn: 10-21°C Afternoon clouds. Mild.
Dbn: 16-19°C Passing showers. Morning clouds. Cool. PE: 11-20°C Partly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

kalahari.com se #1 topverkoperproduk

gobii se e-leser + GRATIS muurlaaier en kunsleeromhulsel nou R599, bespaar R340. Aanbod geldig solank voorraad beskikbaar is. Koop nou!

25% op nuwe en topverkoperflieks

Kies uit gewildste titels soos Despicable Me 2, Gravity, Frozen, The Hunger Games: Catching Fire en nog baie meer. Aanbod geldig solank voorraad beskikbaar is. Koop nou!

Nuwe boekuitreikings!

Kom loer na die opwindende boeke wat ons so pas uitgepak het. Titels sluit in David & Goliath van Malcom Gladwell, The Goldfinch van Donna Tartt en nog baie meer. Koop nou!

DVD’s vir minder as R100

Kry hierdie epiese trefferflieks vir minder as R100. Titels sluit in Frozen, Despicable Me 2, About Time, The Animal Communicator en nog baie meer. Koop nou!

Besoek www.kalahari.com vir miljoene boeke, musiek, DVD's, games & meer!