Rade jag Krugerwildtuin

2012-11-19 06:49

Eiendomsbelasting van miljoene rande kan die Krugerwildtuin in Mpumalanga verlam en boonop ’n kwaai regstryd afgee.

Benewens die agterstallige belasting van R42?miljoen wat plaaslike owerhede al in 2010 van dié wildtuin geëis het, kan die wildtuin kragtens wetswysigings met nog enorme eiendomsbelastings gelooi word.

Ook die drie munisipale gebiede waarin die Krugerwildtuin sedert Junie verlede jaar ingedeel is (die Mbombela-, Nkomazi- en Bosbokrand- plaaslike munisipaliteit) kan honderde miljoene rande aan eiendomsbelasting van die wildtuin eis. Dit kan die wildtuin se begroting van R985 miljoen heeltemal uitput.

Hierby skuld die wildtuin saam met die aangrensende Sabi Sand-wildtuin meer as R119 miljoen aan agterstallige eiendomsbelasting, beweer die Ehlanzeni-distrikmunisipaliteit, waaronder die Krugerwildtuin voorheen geval het.

Sy vorige eis van R42 miljoen het twee jaar gelede in die hof gaan draai, maar die Suid-Afrikaanse Nasionale Parke
(SANParke) en dié munisipaliteit het uiteindelik buite die hof geskik.

Die drie nuwe munisipale owerhede werk tans aan die waardasie van die park om vas te stel hoeveel hul deel van die grondgebied werd is.

Sodra die proses afgehandel is, sal die Krugerwildtuin ’n
eiendomsbelastingrekening kry, sê Bessie Pienaar, woordvoerder van die Mbombela-munisipaliteit.

Hulle gaan beslis nie opdok nie, sê William Mabasa, woordvoerder van die Krugerwildtuin. Die betaling van eiendomsbelasting is nie die verantwoordelikheid van die wildtuin nie, maar dié van die departement van openbare werke, meen hy.

“Die Ehlanzeni-distrikmunisipaliteit kon tot op hede nog nie voldoende bewyse van die uitstaande bedrae aan die geregistreerde eienaar van die park, die plaaslike departement van openbare werke, toon van die uitstaande geld nie.

“Buitendien, ’n eis van hierdie bedrag kan die park se begroting uitput.”

Hulle het in 2010 en 2011 vergaderings met die departement gereël om sake uit te werk, maar die departement se verteenwoordigers het nie vir die vergaderings opgedaag nie, sê hy.

Hy wou hom liewer nie uitlaat oor die gevolge vir besoekers aan die wiltuin as hulle wel die belasting moet betaal nie.

Die bedrag van R119 miljoen wat Sabi Sand glo saam met die Krugerwildtuin aan agterstallige eiendomsbelasting verskuldig is, is nie korrek nie, sê Sabi Sand se prokureur, Elmien le Roux van Knowles Husain Lindsay Ingelyf.

“Geeneen van die Sabi Sand-wildtuin se eienaars het enige munisipale rekening van die Ehlanzeni-distrikmunisipaliteit ontvang nie en daar is nog geen hofprosedure vir die invordering van belasting ingestel nie. Die bedrae stem nie ooreen met die inskrywings in die waardasierol nie en dit lyk of dit op foutiewe inligting gegrond is.”

Le Roux sê dit is ook onduidelik of die bepaalde ordonnansie al in werking gestel is wat die distrikmunisipaliteit in staat stel om dié eiendomsbelasting te hef.

Lucky Nkodane, woordvoerder van die Ehlanzeni-munisipaliteit, wou nie kommentaar lewer nie en het aangevoer dat die munisipaliteit en die park die situasie hanteer.

Sodra die twee partye ’n ooreenkoms bereik het, sal hy kommentaar lewer, sê hy.

Lees Rapport se kommentaarbeleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-15°C Morning clouds. Cool. Pta: 13-27°C Sunny. Pleasantly warm.
Jhb: 8-20°C Sunny. Mild. Bfn: 2-17°C Sunny. Mild.
Dbn: 16-20°C More sun than clouds. Cool. PE: 12-17°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!