Reeva Steenkamp se gesin kry eie speurder

2013-02-23 23:04

Reeva Steenkamp se gesin het ’n private speurder aangestel om hulle op die hoogte te hou van die moordondersoek teen Oscar Pistorius.

Lance Epstein was die afgelope week saam met lede van Reeva se Johannesburgse “familie” – Desi en Kim Myers – in die hof toe Pistorius op borgtog van R1?miljoen vrygelaat is.

Reeva het sedert September by die Myers-gesin gewoon.

Epstein se onderneming word bemark as “een van die voorste spanne private ondersoekers in Suid-Afrika. Die spanlede het saam meer as 100 jaar ervaring in die polisie, private ondersoekwerk en die intelligensie-bedrywe.”

Die polisie se ondersoekspan het die afgelope week in die hof deurgeloop toe ao. Hilton Botha, die ondersoekbeampte, verskeie belangrike toegewings in kruisverhoor gemaak het.

Landdros Desmond Nair het Botha in sy uitspraak skerp gekritiseer. Botha is intussen vervang deur ’n span senior ondersoekers onder leiding van die nasionale speurhoof, lt.genl. ­Vinesh Moonoo.

Dit moes vroeër al gebeur het, het brig. Derick Furter, voormalige hoof van die polisie se handelstak in Gauteng, gister gesê.

Vroeër jare het senior offisiere self getuig of opdrag gegee dat die mees ervare en kundige speurondersoekers aangestel word, het hy gesê. Maar deesdae is die “tendens” dat senior offisiere nie verplig voel om in enige sake te getuig nie, want dis die werk van die adjudant-offisiere, sersante en konstabels.

Furter meen baie sake sneuwel omdat junior offisiere onbekwaam of onervare in die hof is.

Gary Barnard, ’n voormalige speurder wat tans as spesialis- forensiese ondersoeker werk, sê om in borgtog-aansoeke te getuig, is altyd moeilik omdat jou ondersoek nog nie klaar is nie.

Die ondersoekbeampte het in dié vroeë stadium nog nie die uitslae van forensiese toetse nie.

Dit neem byvoorbeeld sowat drie weke net om selfoonstate van die misdaadintelligensie-eenheid af terug te kry.

’n Gedugte regsverteenwoordiger van die kaliber van adv. Barry Roux sou waarskynlik enige ondersoekbeampte onbekwaam laat voorkom het.

Juis daarom moes die polisie hul beste man of vrou gevra het om die ondersoek te lei, meen Barnard.

Na verneem word gaan Moonoo toesig hou oor die ondersoek, maar die dossier is oorhandig aan kapt. Mike van Aardt, wat baie ervaring het.

Van Aardt is ’n speurder wat onder die baasspeurder Piet ­Byleveld gewerk het. Hulle het onder meer die Leigh Matthews-moordsaak opgelos.

Forensiese getuienis gaan ongetwyfeld ’n kernrol in Pistorius se verhoor speel.

Nair het in sy uitspraak te kenne gegee die probleme wat hy in Botha se getuienis uitgewys het, is nie die einde van die staat se saak nie. “Die staat se saak sal bestaan uit forensiese bewyse,” het hy gesê.

Lees Rapport se kommentaarbeleid

Lewer kommentaar op hierdie artikel
45 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-20°C Sunny. Mild. Pta: 3-21°C Sunny. Mild.
Jhb: 4-16°C Sunny. Refreshingly cool. Bfn: 0-19°C Sunny. Mild.
Dbn: 10-27°C Sunny. Mild. PE: 15-24°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!