'Regses' spog oor wapens

2012-12-21 12:20

JOHANNESBURG. – Die vermeende verregse samesweerders wat dié week deur die polisie in hegtenis geneem en van terrorisme en verraad aangekla is, het in selfoon-teksboodskappe gespog dat hulle reeds 54 aanvalsgewere gehad het.

’n Bron na aan die ondersoek het eksklusief dié foto’s en van die teksboodskappe tussen die regses aan Die Burger gegee.

Vier verregses – Mark Trollip, Johan Prinsloo, Hein Boonzaaier en Martin Keevy – het vandeesweek in die hof in Bloemfontein verskyn omdat hulle na bewering die ANC-konferensie met mortiere wou opblaas.

Die staat beweer daar was ’n tweede plan om pres. Jacob Zuma, ministers en ANC-hooggeplaastes van naby te skiet.

Die mans se verhoor is tot 8 Januarie uitgestel wanneer hulle om borgtog kan aansoek doen.

Intussen blyk dit dat lede van dié groep reeds in Januarie vanjaar beplan het om die ANC met mortiere te bestook tydens dié organisasie se eeufeesvieringe in die Bloemfontein-stadion.

Hulle kon tóé nie mortiere in die hande kry nie en het hul visier verskuif na die ANC se konferensie wat dié week gehou is, beweer die bron.

Dié regses se vermeemde staatsgreep-planne is onlangs op verregse webtuistes uitgeblaker ná ’n binnegeveg tussen militante wat mekaar daarvan beskuldig het dat hulle agente van die staat is.

Die ondersoek na die groep se bedrywighede is deur ’n taakspan van die polisie, die staatsveiligheidsagentskap en weermag-intelligensie gedoen.

Hulle het ’n agent gehad wat die regse groep geïnfiltreer het.

Die ondersoekers het ook vir etlike maande lank SMS-boodskappe tussen die regses onderskep, wat nou die kern uitmaak van die staat se saak teen die vier beskuldigdes.

Kort voor die konferensie het een van die regses per SMS gesê: “Jis, jy maak my jaloers, wat skiet julle als?”

’n Ander verregse het geantwoord: “LMG, AK, R4, Uzzi, Russian PKM… Daai pel het LMG (ligte masjiengeweer) ens, hy het 54 volle outomatiese gewere.”

Die Burger het ook insae gehad in die een van die verslae wat die agent aan sy hanteerders in die taakspan gestuur het.

Hy sê onder meer dat “bomme gemaak word asof dit gister is” en dat die regses op die punt is om 120mm-mortiere en 155 mm-ammunisie – dit word onder meer deur die G5-kanon gebruik – te bekom.

Boonzaaier en Muller was onderskeidelik die president en bestuurslid van die Federale Vryheidsparty, ’n geregistreerde regse party, maar het die aanslag onder die vaandel van die Boere-beskermingsforum beplan.

Nog ’n bekende in regse kringe en ’n aartsvyand van Prinsloo, Johan Lubbe, het kort voor die Mangaung-konferensie op ’n regse webblad geskryf Prinsloo en ander beplan “aanvalle op die imperial regime (die ANC)”.

Prinsloo is ’n begrafnisondernemer en eienaar van RIP Funerals in Springs, terwyl Boonzaaier glo ’n rekenmeester van Centurion is.

Prinsloo is ’n oudpolisieman wat aan die voertuigdiefstal-eenheid verbonde was.

Die staatsaanklaer, Shaun Abrahams, het tydens die beskuldigdes se verskyning gesê daar is besliste bewyse dat hulle met mekaar gekommunikeer en terreuraanvalle in Bloemfontein beplan het.

Die polisie het nie op versoeke vir kommentaar gereageer nie.

- Die Burger

Lees Rapport se kommentaar beleid

Lewer kommentaar op hierdie artikel
10 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 16-26°C Sunny. Warm. Pta: 13-23°C Showery. Afternoon clouds. Mild.
Jhb: 9-19°C Scattered showers. Broken clouds. Mild. Bfn: 9-21°C Afternoon clouds. Mild.
Dbn: 14-22°C More sun than clouds. Mild. PE: 12-20°C Partly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

kalahari.com se #1 topverkoperproduk

gobii se e-leser + GRATIS muurlaaier en kunsleeromhulsel nou R599, bespaar R340. Aanbod geldig solank voorraad beskikbaar is. Koop nou!

25% op nuwe en topverkoperflieks

Kies uit gewildste titels soos Despicable Me 2, Gravity, Frozen, The Hunger Games: Catching Fire en nog baie meer. Aanbod geldig solank voorraad beskikbaar is. Koop nou!

Nuwe boekuitreikings!

Kom loer na die opwindende boeke wat ons so pas uitgepak het. Titels sluit in David & Goliath van Malcom Gladwell, The Goldfinch van Donna Tartt en nog baie meer. Koop nou!

DVD’s vir minder as R100

Kry hierdie epiese trefferflieks vir minder as R100. Titels sluit in Frozen, Despicable Me 2, About Time, The Animal Communicator en nog baie meer. Koop nou!

Besoek www.kalahari.com vir miljoene boeke, musiek, DVD's, games & meer!